Erremu
Uut Wikipedia
Erremu of Erremuje (Nederlands Arnemuiden) is 'n plekke - officieel 'n stad, maer in de volksmond 'n durp - in de Zeêuwse gemeênte Middelburg, an d'n oôstkant van Walchren. In 2005 ao 't 4790 inweuners. Erremu eit 'n station an de Zeêuwse lien.
Erremu stae d'rom bekend dat 't vonaemelik van de visvangst leeft, en awast is dat de lèste jaeren minder g'ore, de visserie is nog altied stikke belangriek in 't durp. Vedders is 't 'n geslote gemeenschap daer-a nie vee immigraotie in vokomt. Saeme mee de inweuners van 't Nieweland praote ze 'n dialekt dat-a tussen 't Walchers en 't Zuud-Bevelands instaet; 'n plat dat-a butendien nog weinig invloed uut 't Ollands te verduren g'aod ei. Erremu bestaet uut 't rechtoekeg durpscentrum mee wat onregelmaetege bebouwienge d'romeêne.
Toet an 1997 was Erremu 'n eige gemeênte, daer-a ok Kleverskerke bie oorde. Toen gieng 't (zeker nie zonder protesten) op in Middelburg.
De bienaem van de Erremujers is Viskoppen of Vissticks. Dit oor voraol in Middelburg en Vlissienge gezeid.
[bewerk] Bekende Erremujers
- Miranda Slabber, model, Miss Nederland 2004