Biotoop
Uut Wikipedia
[bewerk] Biotoop
De biotoop is t hehiel van voewaern wiran un hebied mò voldoene zodatter un bepaelde soôrt kan leven. Un biotoop ei dus mè betrekkieng op ìn bepaelde soôrt. Un biotoop ang af van de biotische factoorn en de abiotische factoorn. De biotische factoorn zien buvobbold of an der genoeg beêsten leven om op t'eten en de abiotische factoorn of a ter henoeg vehetasie is wiran ze zich kunn'n verschuuln tehen predatoren. Ok is un abiotische factor buvobbold ut klimaat.
[bewerk] Verschil mie are behripp'n
De biotoop is iets ars dant verspreidiengshebied, de bioom en de niche. Het verspreidiengshebied is 't aardriekskundihe hebied wira un bepaelde soôrt evon'n kan worn. Binn'n t verspreidiengshebied kaj noh onderscheid maekn tussen een zeumer- en un winterhebied. Ut bioom is een rilatief homoheen hebied over un zeêr uutestrekt geohrafisch hebied, wat a hekenmerkt wor deur typische vehetasie en de fauna die atter mie saemenangt. De niche is de plekke die a een soôrt of populasie in een ecosysteem inneem.
[bewerk] Voorbeeld'n
Enkele voorbeeld'n van biotoopn zien 't oôhhebergte, de tuin, 't rehenwoud, de woestijn, un moeras en de pool'n.
