Sukarno

Tikang ha Wikipedia

Mayda impormasyon hini nga artikulo nga aada han Iningles nga bersyon nga angay ighubad ha Winaray

Hi Sukarno

Hi Sukarno (Hunyo 6, 1901 – Hunyo 21, 1970) amo an syahan nga Presidente han Indonesia. Nagbulig hiya nga makadaog an iya nasod hin paglugaring o independensya tikang han Paises Bajos ngan hiya an Presidente tikang han 1945 tubtob 1967. Nangulo hiya hin pagbalhin han nasod ngadto hin paglugaring o pagkaindependyente. Napiritan hi Sukarno paglusad tikang han iya puwesto. An nagpa-iwas ha iya tikang ha poder usa han iya mga heneral nga hi Suharto, nga pormal nga nagin Mangulo o Presidente dida han Marso 1967.

An kasurat nga "Sukarno" amo an opisyal nga pagsurat han iya ngaran tikang han 1947 pero an darudaan nga kasurat han iya ngaran nga Soekarno agsob pa gamiton, kay napirma hiya nga naggamit han daan nga kasurat. Pero an opisyal nga mga decreto han presidente ha Indonesia tikang han panahon han mga tuig 1947-1968, nagmantala han iya ngaran nga nagamit han 1947 nga kasurat.

An mga Indonesian naghihinumdom gihapon ha iya nga Bung Karno.^[1] Sugad hin damo nga mga Javanes, uusa la an ngaran niya, bisan man kon, ha mga kontexto relihiyoso, agsob hiya tawagon nga Ahmad Sukarno.

[igliwat] Mga reperensya

Gin-unahan ni: waray

Presidente han Indonesia 1945–1967

Ginsundan ni: Suharto