Son yod

Èn årtike di Wikipedia.

Li son yod, c' est on son k' on pout ôre inte deus voyales (liyon), après ene cossoune (spepieus), u al fén do mot (vey).

Pus rålmint, il egzistêye eto al tiesse di sacwants mots : yebe, Yåle.

E walon, li son yod si scrît todi avou l' lete Y, apus ki dirî ene cossoune, et dvant ene voyale ki n' est nén I, k' adon i si scrît I.

soyî, coyon, poye, parey, eyet, crawyî, botaye, invaneye, Montniye, yebe, Yåle.

spepieus, crawieus, netiaedje, radio, siervi.

Li son yod, c' est eto li mwaisse prononçaedje des råles shuvions :

• hy (ecrahyî) et hi (hierdî)
• h + cossoune (abohner)

[candjî] Prononçaedjes do son yod nén veyåves dins l' ortografeye do rfondou walon

• Prononçaedje po ristoper des ahikets.

si efant (si-y-èfant), il a peu di esse frexh (di-y-esse)

• Prononçaedje di prumioûles H a môde di Nameur et d' Tchålerwè.

ahessî, crahea

[candjî] Istwere di l' ortografeye do son yod e walon

C' est C. Simonon li prumî k' a bén veyou k' i faleut ene åjheye manire di scrire li son yod e walon, ca c' est on son foirt tipike do lingaedje. Il atåvele ene novele lete po li scrire.

Forir nel shût nén, et eploye li I dobe pont (ï).

C' est J. Feller k' atåvele li prumî l' eployaedje do Y, et rioister tos les ôtès uzaedjes di cisse lete la (po noter on long I, metans. Cist atåvla la do sistinme Feller pasrè come ene lete al boesse emey les scrijheus e walon.

Les rfondeus ont rprind l' sistinme Feller po cåzu tos les notaedjes do son yod. Mins s' n' ont i nén wårdé li lete Y po noter li H prumioûle, ni si uzaedje come lete di bele oyance.