Motî:so

Èn årtike di Wikipedia.

so [divancete]

1. å dzeu di prép. Loukîz a: dissu. F. sur. >> taper sol mwin d' èn ôte: u >> dire so èn ôte: dins ene håsse, mete on pris pus hôt k' lu. F. enchérir, renchérir. >> So Hodimont: no di des plaeces metowes sovrinnmint.

2. a. Il a dvou ndaler so l' etrindjir po trover d' l' ovraedje. Les colebeus d' Gougnere fijhént tape so Orleyan. F. à. >> mete so l' eglijhe: mete a l' aberteke.

3. dins. Dji l' a veyou so l' gazete. I n' såreut dmorer so s' biro tote djoû. Il esteut so l' trin avou mi. So s' colere, il a spiyî deus assîtes. Il est evoye so ene cinse el France. F. dans. >> todi so tchamps so voyes: todi evoye. Loukîz a: a dåripete. F. toujours en vadrouille. >> So les Trîxhes, so les Trîs, so les Tchampeas: no di des plaeces di sacwants viyaedjes. >> So les Taeyes: lomaedje do voyaedje des Taeyes dins ene fråze.

4. di. I vike so ses rintes. F. de.

5. dizo. Il a atchté so l' no d' èn ôte. Dji l' a yeu so mes ôres. F. sous. >> sol cogne di: tot prindant l' cogne di. F. sous la forme de.

6. diviè. Ça est ene miete sol pitit. El tins est so l' incertin (A. Carlier & W. Bal). F. de tendance. >> Il est ene miete sol doûs: ene miete sot, ene miete dimey-doûs F. un peu toqué.

7. eviè. L' oraedje s' è va so Gochliye F. vers. >> aler so 50 ans: les aveur bénrade.

8. après. I pleut fé 20 cous-blancs onk so l' ôte. F. d'affilée, l'un à la suite de l'autre.

9. dilé. Gn a bén cénk caberdôxhes onk so l' ôte. F. à côte de, derrière.

10. dispu. Siya, dji so-st ureuse, Djustin, mins... nos nos cnoxhans ddja s' sacwants moes, et fåreut kécfeye aler pus lon (L. Hendschel).

Etimolodjeye: latén super (minme sinse).

Parintêye :

• dissu (divancete).
• dissu (adviebe).
• sor- (betchete).
• su (spitron).
• sovrin, sovrinnmint.

Etrocla

• sol (so li)

Omonimeye :

• so (såf)
• sot (fô).
• dji so (codjowa do viebe " esse ").

Pwaire minimoms :

• sô (addj.; k' a trop boevou).
• sô (o.n.; dimeye mastoke).
• så (åbe).
• sôt (o.n.; hope).

Omonimeye coinrece avou su.

• si (prono coplemint, F. se., su e l' Årdene.)
• si (prezintoe d' apårtinance, F. son., su e l' Årdene.)
• si (aloyrece, F. si., su e Payis d' Vervî.)
• si (adjondrece, F. ainsi., su e Payis d' Vervî.)
• soû (F. seuil., su e sacwants sorcoines.)

---

• Dipus d' racsegnes so les dvancetes.
• Dipus d' racsegnes so sacwants uzaedjes des dvancetes dins les nos d' plaeces.