Motî do Tchestea da Haust et Goffinet
Èn årtike di Wikipedia.
Li Motî do Tchestea da Haust et Goffinet, ki s' no, e francès, c' est "Glossaire chestrolais", c' est on motî walon francès, sicrît al mwin pa Jean Haust, a cmincî des mots walons do Motî da Dasnoy. A tchaeke côp, Haust a metou l' pådje do motî da Dasnoy, wice kel mot est, pask' i n' sont nén todi dins l' minme ôre alfabetike.
Djihan Haust a rispepyî tos ces mots la avou G. Goffinet k' a skepyî a Nuviè li 7 di djanvî 1843 et k' a morou li 2 d' djun 1928, et ki di s' mestî, esteut Rçuveus ås Taeyes a Lidje.
G. Goffinet a acertiné l' prononçaedje po Nûviè. C' est eto lu k' a dné totes les fråzes ki sont dins l' motî.
Li motî fwait 471 pådjes so cogne di cayé di scolî.
Il est rprins sol limero [S24] dins l' Djivêye des motîs do walon.
[candjî] Istwere do papîscrît
Li papîscrît do motî si trove dins l' documintåcion di l' Univiersité d' Lidje. Mins i shonne k' on poye raguider ene copeye al Bibioteke des Pårlers del Walonreye.
Raymond Mouzon end aveut fwait fé ene copeye pol CIDWEL, diviè 1980. So cisse copeye la, so les pådje di gåtche, vizon vizu, Jean-Marie Pierret a radjouté les mots do Motî da Aubry. Il a eto scrît sacwants ôte mots k' il aveut ramexhné a Troncwè.
