Raymond Mouzon
Èn årtike di Wikipedia.
Raymond Mouzon, pus sovint lomé l' abé Mouzon, u, emey ses copleus l' abé. Il aveut skepyî a Nuviè li 26 d' awousse 1929; si a-t i morou å Tchestea li 13 di fevrî 2005.
Li grand enondeu do walon e scole dins l' province do Lussimbork, il aveut metou so pås so fotches li CIDWEL, li cinte di documintåcion pol walon (eyet l' gåmès) e scole.
Il aveut eto stî on pilé des bates di recitaedjes e walon po ls efants et do Libråmonissime (on djeu inte tos les viyaedjes do ban d' Libråmont, avou des kesses sol kinoxhance do walon).
Il a eto dit ene cwénzinne di messes e walon, po les fiesses del Walonreye a Libråmont.
Mins si pus grosse bouye, kécfeye, ça a stî ses inketes sol walon do payis do Tchestea. Il a insi rashonné des hopeas d' foyous, et les rarindjî. Mins i n' a nén arivé å coron di s' dag.
Il esteut mimbe di l' SLLW.
Riprins dins l' antolodjeye Scrijheus d' Årdene.
Di s' mestî, il esteut prof di sgondaire. Pu, sol fén, il a stî curé d' pårotche.