Manêye
Èn årtike di Wikipedia.
Ene manêye (on dit eto ene pårt di virêye, èn afouwaedje), c' est ene pårt di bwès d' tchåfaedje, dinêye tos ls ans ås djins ki dmanèt en on viyaedje.
Li pårt pout esse metowe so ene taeye, la k' on abate totafwait, apus k' les åbes mårkés d' ene flaxhe. Dins on fayi, on pout dner a-z abate les pus ptitès hestreles. Li manêye pout eto esse fwaite di houpîs d' faws u d' tchinne.
Les manêyes, c' est on droet ki vént del Moyinådje, et k' est co pratiké dins sacwantès comenes del Walonreye ouy, copuvite e l' Årdene.
Disk' al guere di 1940-1945, les pårts di virêyes estént co dås djins li deujhinme anêye po-z esse sårtêyes, et l' troejhinme anêye po-z î aler siyî ås djniesses.
Po des racsegnes linwistikes sol mot "manêye", alez s' vey e splitchant motî.
[candjî] Pårtixhaedje des manêyes
On djheut eto "on va pårti les patrimoennes".
Sel viyaedje esteut so deus dutcheyes, tchaeke måjhon aveut si manêye sorlon les bwès di s' prôpe dutcheye. Si sistinme di pårtixhaedje la a co duré disk' e 1939 a Dorene.
(a fé)
