Hårkea
Èn årtike di Wikipedia.
On hårkea (on dit eto : gorea, lamea, coube), c' est on travayî bwès, on bon mete long, k' on poite so les spales, padrî l' hanete, et k' gn a deus saeyeas u deus djusses ki pindèt après.
On l' eployive po nd aler moenner l' laecea al laitreye, u po aler cweru ene voye d' aiwe (deus saeyeas d' aiwe).
L' usteye esteut vindowe dins tos les gros botikes di viyaedje.
Il a disparexhou cand on-z a yeu des ptitès tcheretes et des djusses ki cloyént, diviè 1950.
Alez s' vey e splitchant motî po des linwincieusès racsegnes et les ôtes sinses des mots "hårkea", "gorea", "coube" et "lamea".
Ådvins |
[candjî] Les alomåcions do harkea
[candjî] e walon
Å 20inme sieke, li mot "hårkea" esteut eployî so tot l' payis d' Lidje, avou Hu et les viyaedjes djondant des Province di Nameur.
Li mot "gorea" esteut d' uzaedje sol walon do Mitan ey el Basse-Årdene.
A pårti d' Åjhô, c' esteut l' mot "coube" k' esteut l' pus cnoxhou.
[candjî] e francès
Li mot francès n' est nén dins les motîs corants.
Louwis Rmåke, k' a studyî les lomaedjes e walon, li houke "porte-seaux". C' est ç' mot la k' i gn a dins l' l' Motî d' Cînè et l' ci d' Bastogne.
Les botikîs k' el divént cmander ås comis-vooyaedjeus ki cåzént francès, djåzént sovint di "palange", mins ci mot la s' rapoite a ene longue pîce di bwès k' on poite di padvant a padrî, so ene sipale.
Philippe Maudoux, dins ene des dierinnès rexhowes di Walo + gazete, li loma "jouguet".
[candjî] Li harkea dins les belès letes e walon
Li mot a stî cnoxhou lon et lådje a cåze d' een tchansou da Georges Ista, so ene muzike da Pierre an Damme.
Les paroles sont so l' Aberteke
[candjî] Alére
L. Remacle, Le nom du porte-seaux en Wallonie
