Motî:droet

Èn årtike di Wikipedia.

droet, droete

I. [addj. todi padvant & o.f.n.]

1. ki n' toûne nén. Contråve : cron, crawieus. F. droit, rectiligne.

2. bén dressî (eye), bén metou (owe) di scwere. Contråve : di triviè, di kegn, di kinkin, di bihair, di cresse. F. droit, vertical. >> droet come èn î; u >> droet come onk k' åreut avalé ene crampe: bén droet, k' a l' dos ki n' ploye nén, kel ridresse tofer, tot djåzant d' ene djin; bén stampé, tot djant d' ene hôte sacwè. Ti li tchminêye d' oujhene, t' es la e plin mitan del pair, droete come èn I, hinant t' fir loucåde viè les nûlêyes et l' solo (R. Joelants). >> tini l' pot droet: s' ocuper des afwaires d' ene sakî ki n' est nén la.

3. metou do costé do coir k' i gn a nén l' cour. Il arivéve e xhalant di s' droete djambe (G. Corin). Contråve : gåtche, hintche, schlintche. F. droit. >> cåzer al droete mwin: cåzer on lingaedje k' on comprind >> cåzer del gåtche mwin: djåzer on lingaedje k' on n' comprind nén.

4. ki n' hape rén. On dit eto: oniesse. Contråve : schlintchire. F. droit, honnête, intègre. >> esse droet dins ses botes: n' aveur rén fwait d' måhonteus. >> shuve li droete voye: todi bén fé çou k' i fåt fé.

II. [adv.]

1. comifåt. I rote droet. Contråve : cron, crombin, xhalé. >> rote tot droet, c' est tote pavêye; u : >> tchereye tot droet, c' est tere ewale: dijheye po evoyî ene sakî å diale. Franwal: ahåyant po: fous-moi le camp.

2. tot bén stampant. Dins tere, i les åt rpiker droet tos les 10 cm (J.J. Gaziaux).

III. droet [ o.n.]

1. sacwè k' on pout rclamer. Après tot, il a bén l' droet d' s' amuzer ene betcheye, emn ome, après ene djournêye sitampé sins moufter (C. Quinet). On dit eto: abondroet F. droit, privilège, prérogative. >> droet do pus vî des fis: droet do pus vî des fis d' aveur l' tote l' eritance. F. droit d' aînesse. >> gn a rén d' pus xhalé° kel droet.

2. aplicåcion des lwès; studiaedje des lwès.

IV. droete [f.n.]

1. costé do coir la k' i n' a nén l' cour. Contråve : gåtche, hintche. T' as la ene voye ki prind a droete et ki n' va nén pus lon. >> di droete et d' gåtche, a droete u a gåtche: di tos les costés, on pô pattavå. C' est èn oujhea ki vole di droete et d' gåtche dins les bouxhons et k' on n' sait aveur (G. Lucy). C' est des sacwès k' avént stî eplaideyes a droete et a gåtche. On dit eto: hatche et matche, håre et hote.

2. lene ki n' toûne nén.

3. costé del politike la k' gn a les liberås et les wårdiveus. Loukîz a : foite droete.

| å droet di [divancetire] a l' edroet di. Il estént ashids å droet del finiesse (J. Selvais). F. en face de.

| droetî, droetire [addj. padvant u padrî & o.f.n.] ki screye del droete mwin. Contråve : gåtchî, pawene. F. droitier.

Parintêye :

• adroet, adroete (addj. todi padvant & o.f.n.)
• adroeteure
• edroet

Mots d' aplacaedje :

• må-adroet, må-adroete (addj. todi padvant & o.f.n.)
• abondroet
• todroet
• foite droete

---

• Dipus d' racsegnes sol droet
• Dipus d' racsegnes so les dvancetires