Betchete ra-
Èn årtike di Wikipedia.
Li betchete ra-, c' est ene dobe betchete fwaite del betchete a- et del betchete ri-.
Nerén, li betchete ra- a divnou, padecô, ene betchete avou si prôpe sinifiance.
Ådvins |
[candjî] Diferinnès sôres di betchetes ra-
[candjî] Betchete ra- di ratelaedje
- rateler
- racawer
C' est l' pindant del betchete a- d' atelaedje. Eto, gn a todi on sfwait viebe avou l' betchete a- (ateler, acawer).
[candjî] Betchete ra- di rcominçaedje
- rapontyî
- rapougnî
Ces viebes la ont todi on parint avou ene betchete a- d' aprepiaedje (apontyî, apougnî).
[candjî] Betchete ra- di rifjhaedje
Ces viebes la n' ont nén sovint des parints avou l' betchete a- (come arindjî, assonrer).
Gn a d' l' adire inte li viebe avu ra- et l' minme viebe avou ri-
-
- riclawer: clawer ene sacwè k' esteut disclawêye
- raclawer: rabocter ene sacwè avou des clås
- si rclaper : si rclôre tot fjhant on setch brut (po èn ouxh k' esteut å lådje).
- si raclaper : si (r)mete eshonne, po deus djins nén marieyes.
[candjî] Betchete ra- di racrapotaedje
- si racrampyî
- racrapoter
- racroler;
- rafrintchî
- ratchitchî
- ratirer
Gn a nou viebe parint avou l' simpe betchete a-
Ciddé eto, gn a d' l' adire inte li viebe avu ra- et l' minme viebe avou ri-
- ricroler : croler co on côp (après aveur discrolé)
- (si) racroler : si rployî so luminme, tot fjhant des croles
[candjî] Betchete ra- des viebes del cwatrinme troke
- raclairi
- racourti
- radjonni
- radoûci
- radroeti
- ragrandi
- rahôti
- ralårdji
- ralongui
- ralongui
- ramoli
- raptiti
Li sinse est "rinde grand", "rinde pitit", mins i gn a nén sovint on viebe avou l' simpe betchete a- (come alårdji, aclairi, adoûci).
[candjî] Alére
Louwis Rmåke : Sintake do walon del Gléjhe; tome II, p.12-16.
