Adoptaedje d' efants
Èn årtike di Wikipedia.
Adopter èn efant, c' est l' ascoyî e s' manaedje, eyet l' fé divni vosse zwer, come si ça sereut on vraiy efant da vosse. On dit adopcion u adoptaedje d' efants.
Les lwès po l' adoptaedje d' efants sont diferinnes d' on payis a l' ôte.
Gn a pacô des SNLG u des cabinets d' pårlîs ki fjhèt on handele di l' adoptaedje des efants des pôves payis. [1]
L' adoptaedje d' on djonne pa ene mere d' ene biesse si lome pus voltî l' "anodaedje".
[candjî] Istwere di l' adoptaedje d' efants
L’ adopcion est viye come les tchmins. Moyisse a stî adopté des Farawons.
Les Impreus romins tchoezixhént sovint leu shuvant tot-z adoptant ene sakî. Metans Adriyin ki shuva Måc-Årele.
Al Moyinådje, les nobes adoptént po-z aveur des zwers po lzî dner leu-z eritance, et k’ ele ni toume nén dins les mwins di parints al cwatrinme botnire k’ i voeyént evi.
C’ est tins del Guere di 14 k’ on-z a cmincî a bråmint adopter des efants. C’ esteut purade des efants k’ estént abandné d’ leu mame, nén marieye.
Avou l’ avnowe des pilures po n’ pont aveur d’ efants dins les anêyes 1960, gn a yeu todi moens di djonnes abandnés. Adon, les manaedjes sins zwers ont sayî d’ adopter des efants foû payis, co pus vite dins les coines del Daegne wice ki les djins ont fwin. U la k’ i gn aveut des gueres u des bardouxhas. [2]
[candjî] Hårdêye difoûtrinne
- Les lwès so l' adopcion el Beldjike (e francès)
[candjî] Sourdants
- ↑ Papî di l' SNLG "Terre des hommes" so des crawieusès pratikes dins l' adoptaedje d' efants foû payis.
- ↑ André Demoulin, Li Rantoele, ivier 2007-2008.
