Trekzak
Uit Wikipedia
Ne trekzak of trekarmonica is e muziekinstrument van de zelste familie lik den accordeong. Juste lik by den accordeong bestoat ne trekzak ut twêe kassn die mi makoar verbondn zin via e boge. In de kassn zitn der ploatn mi tongsjes up, en up de kasn stoan der ventieln. Oe je e ventiele induwt, bloas je lucht noar e specifieke ventiele. Ol de reksche kant zittn de melodienootn, ol de lingsche kant zittn de basnootn. Der zyn verschillende soortn trekzakkn. G'et er mi 1, 2 of 3 reekn knoopn ol de reksche kant.
[bewerkn] Verschilln mi den accordeong
't Êeste verschil mi nen accordeong is da ne trekzak wisseltonig is, juste gelik by e mondmuzik, de concertina en de bandoneong. Da wilt zeggn daj mi dezelste ventiele e verschillige note krygt oe je trekt of oe je duwt. Mêestol ist en olve tône verschil. 't Twidde grôte verschil mi nen accordeong is da ne trekzak diatonisch is. Da wilt zegn daj nie ol de twolf nootn va en octaaf ku speeln, mor ollêne mo dedie dan in de tôonladder zittn.
De trekzak is nie mir echt populair en is verre ollêne mo gebrukt in de volksmuzik. Den accordeong is vele populairder en is vele mêer gebrukt.