Rafaël
Uit Wikipedia
Rafaël (echte noame Raffaelo Sanzio), (Urbino, 6 april 1483 – Rome, 6 april 1520) was êen van de belangrykste Italioansche kunstschilders uut de Hoog-Renaissance. Je was e tydgenôot van Michelangelo en Leonardo da Vinci.
Rafaël krêeg z’n eeste artistieke vormienge van ze voader, de schilder en dichter Giovanni Sanzio.
Round 1500 wast ‘n lêerlink van Pietro Perugino in Perugia en in 1504 vertrokt ‘n no Firenze.
In 1508 riep paus Julius II em no Rome, woa dat ‘n van 1509 surtout werkte an fresco’s vo ’t Vaticoan.
Achter den dôod van Bramante wierd ’n benoemd tout bouwipzichter van de St.Pieter.
Van 1515 wast ’n conservateur van d’oudeedn van Rome.
Rafaël makte altoarstikkn, madonnaschilderyen, portreitn en fresco’s en z’n werk inspireerde styf vele schilders in de volgnde generoaties.
Z’n latste belangryk werk was de Transfiguroatie, woarin dan d’r ol maniëristische eignschappn te zien zyn.
Je stierf ip z’n zeevnendertigste verjoardag in Rome en je ligt begroavn in ’t Pantheon.
 Agnolo Doni (ca. 1506) (Palazzo Pitti, Firenze) |
 Paus Leo X met de kardinoaln Giulio de’ Medici en Luigi de’ Rossi, (1513-1518) (Palazzo Pitti Firenze) |
 Transfiguroatie, (1519-1520) (Vaticoan) |
 De Sixtynsche Madonna, (ca. 1513) (Gemäldegalerie Alte Meister, Dresden) |
 |
Mêer ofbeeldiengn die ier by passn ku je vien ip Raffaello Sanzio ip Wikimedia Commons. |
