Petra Santy
Uit Wikipedia
Petra Santy (Kortryk, 8 november 1982) is een West-Vlamsche kajakster die presteert ip internationoal niveau.
Sedert 2006 weunt Petra Santy in Otegem, dêelgemêente van Zwevegem, t’ope met eur vriend Tom Cremers, zelve ook kajakker van KSKZ, de keuninklike Sobeka Kanoclub van Zwevegem.
Petra Santy studeerdege Moderne Toaln-Wiskunde (1e en 2e groad, Don Boscocollege, Kortryk), Sport-wetenschappn (derde groad VHTI, Brugge) en Regentoat Lichoamelike Ipvoedienge en Bewegingsrecreoatie (RENO, Tourhout, ofgestudeerd in juni 2003).
Petra Santy eit een profstatuut by Bloso sedert 2003. Eur coach is Carlos-Manuel Prendes García-Barrosa (Belgische bondscoach), Kine : Marc Walravens.
Eur keuze vo kajak is bepoald deur een allergie vo stof. Kajak en zwemmn woarn de beste sportn vo da probleem te beperkn.
Via Kanoclub Sobeka Zwevegem groeide Santy noa nationoal niveau. Internationoale wedstrydn maktn dudelik da ze talent eit.
[bewerkn] Olympische Spelen
Achter een sterke achtste plekke ip ’t WK 2003 in Gainesville en ’n zilvern medaille ip ’t EK in Poznan in meie 2004, is ze geselecteerd gewist vo de Olympische Spelen in Athene in 2004. Ze vecht nu ip ’t Europees Kampioenschap in Miloan vo de selectie t’oaln vo de Olympische Spelen 2008 in Peking.
[bewerkn] Varia
- Eur drie broers Bert, Piet en Tim spelen basket.
