Mojito
Uit Wikipedia
Ne mojito is e cocktaildrankstje ountstoan in Cuba, gemakt van rum, munte en limoenn. Sedert een poar joar is mojito styf populair gewordn ip ollesôortn tropische festivals en ols aperitief ip zwoele zomeravondn woa dat er an de barbecue begost wordt.
[bewerkn] Wat e je nodig vo èèn te maakn?
Rum, een stik of 6 bladjes vasche munt, ys, een olve limoen en rietsuker.
[bewerkn] Oe moe je da maakn?
1. Stampt in een gekoeld cocktailglas een kart van ne limoen (in twèè stikstjes gesneen) en 1 eetleepl rietsuker t'ope toet da 't sap em vermiengd eet met de rietsuker.
2. Doet 't glas driekart vul me gecrushed ys.
3. Doet er de reste van de limoen en de muntbladjes by.
4. Overgiet met 50 ml rum en doet er een bitje woater of soda by.
5. Dient ip met een strootje en lepeltje vo de cocktail te miengeln.
