Kinepolis
Uit Wikipedia
Kinepolis, of beter Kinepolis Group es een bedryf da cinemazoaln uutboat.
Inoud |
[bewerkn] Geschiedenisse
In 1970 zyn Albert Bert en Rose Claeys-Vereecke begonn met een klênen moa sjieken cinema in Oarelbeke met 2 zoalen. 't Vernieuwende was da ze alles kostn bedienn met ênen operateur. Ze probeerdn denzelfdn truc in het Ring Shopping in Kuurne. Moa gin êen van die zoalen wierd echt rendoabel en 't werd gestopt achter 'n poar joarn.
In een twidde foase ein ze ton drie complexen geopend in Vloandern: de Trioscoop in Hasselt in '72 met 3 (loater 7) zoaln; êen in Kortryk, de Pentascoop, me 5 zoaln in '75; en ook nog êen in Gent, de Decascoop (mè 10 zoaln) in '81. Z'oan veel vernieuwende ideeën, surtout deur grôtere cinemacomplexen te willn bouwen die an scherpe kwaliteitseisn moestn voldoen. Een êeste vôorbeeld wos de Kinepolis in Brussel, met 25 zoaln, een fenomenoal aantal in 1988.
In 2006 gingn de twêe familjes uut elkoar: de familie Claeys verkocht ol eur andêeln an externe investeerders.
[bewerkn] Nu
Ondertussn es de Kinepolisgroep uutgegroeid tot nen Europeesn speler, me zoaln in België, Vrankryk, Spanje, Zwitserland en Pooln. In 1997 zyn de Bert en Claeys groepn gefuseerd tot de Kinepolis Group NV, en in 1998 zyn ze noa de Beurse van Brussel gegoan met 25% van de andêeln. De lyste van zoaln in België:
- Kinepolis Brugge
- Kinepolis Brussel
- Kinepolis Hasselt
- Kinepolis Imagibraine
- Kinepolis Kortryk (es in de platse gekoomn van de Pentascoop)
- Kinepolis Leuvn
- Kinepolis Liège
- Metropolis Antwerpn
- Palace Liège
- Kinepolis Gent (de vroegere Decascoop)
- Kinepolis Ostende
[bewerkn] Anbod
De films die deur Kinepolis getôond wordn, zyn bykan ollemoale (Amerikoanse) blockbusters. Ze probeern ôok e bitje de cinefiel an te spreekn mè klindere filmtjes. Dat aanbod noemn ze "Cinémanie", moa 't bluuft vrêe beperkt.
Kinepolis eit ôok de noame da ze de markt tevele domineern en doardeure klêendere ounafankelike cinemazoaln, en doarmee ook de alternatieve film, het leevn moeilik moakn.
