Jules Lagae
Uit Wikipedia
Jules Lagae (Roeseloare, 15 moarte 1862 – Brugge 1931) was een West-Vlamsche beeldouwer.
[bewerkn] Leevn
Jules Lagae was den derdn van acht joungns. Je kreeg zyn eerste ipleidinge in de kunst an de academie van Roeseloare onder Henri Horrie. Ost’n veertien joar oud was gingt’n werkn in een winkel in Roeseloare woa dat y leerde zoagn, kappn, ingeltjes en illign beeldouwn vo biecht-en preekstoeln en ornamentn snyen. Deur da zyn talent ipgemerkt wierd kreegt ’n in 1880, met de steun van de stad en de provincie, de keure vo zyn studies voort te zettn in Brussel an de Academie vo Schone Kunstn.
J’èt ton een ende in Brussel bluuvn weunn en je werktege eerst by Charles Van der Stappen en loater by Jef Lambeaux.
[bewerkn] Werk
In 1888 oaldeget y de prys van Rome. Je trok ton noar Itoalië en je bleef doa drie joar lank in Firenze, woa dat ’n styf onder den indruk kwam van Donatello.
Je kwam were uut Itoalië met een deel werkn, lik de Boetelingen, nu in 't Museum van Gent en Moeder en Kind, da bekroond wierd in München met de "grote goudn erepenninge".
Were in België makteget y een heel deel beeldn:
- Standbeeld van Albrecht Rodenbach ip ’t Pieter-De-Coninckpling in Roeseloare
- Standbeeld van Van Beneden in Mecheln
- Standbeeld van Ledeganck in Eeklo
- Standbeeld van Guido Gezelle ip ’t Guido-Gezellepling in Brugge
- Borstbeeld van Guido Gezelle in den of van ’t Guido Gezellemuseum in Brugge
- Beeld van Maria van Bourgondië ip ’t muntpling in Brugge
- Groeningemonument in Kortryk
- Borstbeeld van Guido Gezelle an de O.-L.-Vrouwekerke in Kortryk (1903)
- Beeld De vier generaties in de botaniekn of in Brussel
[bewerkn] Varia
- An de stoatie van Roeseloare stoat er een monument ter êre van Jules Lagae
- In Roeseloare ist er ook een stroate noar em vernoemd
