Sebastiano Mocenigo
Da Wikipedia, ła ençiclopedia libara.
Alvise III Sebastiano Mocenigo (Venezsia, 29 de agosto 1662 – Venezsia, 21 de majo 1732) el xe stà un doxe venezsian.
El gera fioło de Alvise e de Cecilia Michiel. El xe sta el zsentododexexemo doxe deła Republica de Venezsia dal 24 de agosto 1722 ała morte. Abiłe ufizsial de marina, el se ga distinto pì volte par el vałor dimostrà in bataja.
[modifica] Vita
Sin da xovane Alvise Mocenigo, el terzso con sto nome a diventar doxe, el xe entrà 'nte ła marina miłitar venezsiana. Da xovane el xe sta on ofizsial al seguito del famoso Francesco Morosini e el ga partezsipà con łu ała canpagna mediteranea del 1684 - 1690 e po' a queła del 1693 - 1694. Dopo la morte del famoxo doxe el se ga dimostrà uno dei pochi comandanti venezsiani abiłi e, anca se no 'l xe riusìo a evitar alcune sconfite durante ł'ultima guera contro i turchi, durante el quadrienio 1714 - 1718, el xe restà comunque rispetà e amirà 'nte i anbienti miłitari. 'Nte i ani sucesivi el xe sta uno dei protagonisti deła Pace de Passarowitz, tanto che ła łinea de confin tra Turchia e Venezsia in Dalmazsia stabiłìa 'ntel 1721 ła xe ciamà proprio Łinea Mocenigo.
[modifica] Dogado
Ełeto doxe el 24 de agosto 1722, el ga continuà ła połitega de neutrałità de Venezsia. Durante el XVIII secoło ła republica venezsiana ormai el gera in forte declino e quindi i se gera rexi conto che ł'unica posibiłità che el gaveva par sopravivare ałe grandi guere de chel secoło ła gera queła de invocar senpre ła neutrałità; Alvise Mocenigo, omo d'armi che ben el saveva ło stato mediocre de ł'exercito venezsan, el xe sta on strenuo propugnador de sta vixion połitega. Durante el so pacifico dogado a se ga zsercà dei por rimedio, con dificoltà, ała diłagante coruzsion statałe e a rivitałizsare ł'ormai exausta economia nazsional. El xe morto el 21 de majo 1732.
Precedente | Successivo | |
Giovanni II Cornaro | 1722-1732 | Carlo Ruzzini |