Nakuru

Da Wikipedia, ła ençiclopedia libara.

Nakuru la xe na sità importante del Kenya e la cavedal de la provincia de la Rift Valley. Nakuru la gha 350.000 abitanti.

[modifica] Storia

A 8 km da Nakuro se cata la Colina de i Iraci (Hirax Hill) do en tel 1926 i archeologi de la fameja Leakey i gha cata resti preistorici. La zona la xe stà abita da vari popoli par finir en te la sfera de interese de i maasai. El nome Nakuru vien da el maasai e vol dir ‘acqua co la senare’. El nome se riferise al lago salmastro rente a la sità.

I inglexi i gha fondà la sità moderna parché la se catava en un posto sentrale en tel teritorio de le fatorie de i coloni, e par el clima temperà. Da Nakuru pasa el tren che va da Mombasa a Kampala (Uganda), e la strada che colega Nairobi a Uganda e Sudan.

[modifica] Economia

La zona rurale rente aNakuru la xe ona de le pi fertili del Kenya. L’agricoltura la xe l’ocupazsion pi imortante de la region. Le industrie presenti in sità le xe quele de la trasformazsion alimentare e quela casearia. El marcà de Nakuru el xe importante par i prodoti agricoli e el bestiame. El turismo el xe n’altra fonte de laoro par la sità. Rente a Nakuru se cata ono de i pi veci parchi nazsioali del Kenya, famos par el lago e i fenicoteri. A nord de la sità se cata el cratere de Menengai. Sempre a nord, ma on tocheto fora de la sità, se cata altri laghi e acque calde.

[modifica] Popolazsion

A Nakuru se cata zente de tuto el Kenya, ma anca na grosa comunità de indiani e de bianchi de origine inglexe.