Monte Carega
Da Wikipedia, ła ençiclopedia libara.
El Monte Carega, o pi semplicemente el Carega, el xe un acròcoro postà fra el Veneto (province de Verona e Vicenzsa) e el Trentin. El xe subito sora i Lesini, in provincia de Verona, e el fa parte dełe Picołe Dołomiti (Prealpi Venete). El monte pi alto de tuto el grupo xe Sima Carega, 2259 metri. A nord - nordest el Carega el casca xo 'nteła Vałarsa, pi a est el Paso de Canpogroso ło divide dal Sengio Alto, a sud el Paso deła Lora ło staca dała Cadena dełe Tre Croxe, a sudovest ła Val de Ronchi ło taja neto dai Lesini, a nordovest el ga el Monte Zugna. Durante ła Prima Guera Mondiałe el grupo el xe sta teatro de conbatimenti fra l'esercito deł'Austria e queło deł'Italia.
[modifica] Carateristeghe del grupo
El Carega el xe na montagna calcarea, fata de dołomia, coi fianchi verso est e verso sud segnà da profondi canałoni ke da ste parti i ga un so nome: vajo. I pi famosi i xe el Vajo dei Cołori e el Vajo dei Camòsi a est e el Vajo Pełagata a sud.
I monti pi alti del grupo, vegnendo da sudest, xe: el Plische, 1991 metri, łe Guje deł Fumante, 1938 metri, ł'Obante, 2020 metri, Sima Carega, 2259 metri, el Cherlong, 2210 metri, Sima Posta, 2215 metri, Sima deła Neve, 2157 metri.
[modifica] Vie par rivarghe e punti de pojo
L'unica strada ke ghe riva quasi sora ła vien dała Val d'Iłasi (Verona), ma ła xe sarà al trafico e ła se ferma al Rifugio Scalorbi, 1767 m. Poco soto ła Sima Carega ghe xe el Rifugio Fraccaroli, 2230 m.. Pi in baxo ghe xe el Rifugio Battisti, 1265 m. e el Rifugio Canpogroso, 1460 m. (Recoaro).
[modifica] CuriositÃ
El nome Carega nol vol dir "carega" nel senso de sentarin. El vien da el dialeto todesco che se parlaa su i Lesini e vol dir "bacinela". Se se guarda el grupo del Carega da la Val d'Ilasi, el ga proprio la forma de na bacinela. Anca se la cima piassè alta l'è en provincia de Trento, i veronexi i ga sempre considerà el Carega na montagna veronexe.