Max Weber
Da Wikipedia, ła ençiclopedia libara.
Max Weber intel 1894
Maximilian Carl Emil Weber (Erfurt, 21 de apriłe 1864 – Monaco de Baviera, 14 de giugno 1920) el xe stà un economista, sociołogo, fiłoxofo e e storego todesco.
El xe considerà uno dei pàri fondadori deło studio moderno deła sociołogia e deła publica aministrazsion. El ga sacuminzsià ła so cariera academica a ł’Università Humboldt de Berlin; sucesivamente el ga laorà a ł’Università Albert Ludwigs de Friburgo, a ł’Università de Heidelberg, a ł’Università de Vienna e a ł’Università de Monaco. Personajo influente inte ła pułitega todesca del so tenpo, el xe sta consijer dei negozsiadori todeschi durante el Tratato de Versailles e deła comision incaricada de scrivar ła Costituzsion di Weimar. Łarga parte del so laoro de pensador e studioxo ła ga riguardà ła razsionałizazsion inte ł'anbito deła sociołogia deła rełigion e deła sociołogìa pułitega, ma i so studi i ga dà on contributo inportante anca intel canpo de ł'economia. Ła so opara pì famoxa el xe el sajo Ł'etica protestante e ło spirito del capitałismo, col quałe el ga scuminzià łe so riflesion sora ła sociołogia deła rełigion. Weber el sostegneva che ła rełijon ła gera una dełe raxon non escluxive par cui łe culture de ł'ozsidente e de ł'oriente łe se ga sviłupae in maniera diversa, e el sostegneva ł'inportanza de alcune particołari carateristighe del Protestanteximo ascetico che a ga portà ała nàsita del capitałismo, deła burocrazia e deło stato razsional e łegal inte i paexi ozsidentałi. Inte on'antra so inportante opara, Ła pułitega come vocazsion, Weber el ga definìo ło Stato come "on'entità che ła reclama el monopołio de doparar łexitimamente ła forza fixica", 'na definizsion divegnesta zsentral inte ło studio dełe moderne sienzse pułiteghe in ozsidente. Ai so contributi pì noti a se fa spesso riferimento come "Tesi de Weber".
[modifica] Altri projeti
Su Wikiquote ghe xe dełe citazsion de o su Max Weber
Su Commons ghe xe dei file multimediałi su Max Weber
[modifica] Łigadure foreste
</noinclude>
«Max Weber» tólta da it.wikipedia.
Varda ła cronołogia de ła pàxena originałe par conósare l'ełenco dei autori.
