Giografia de la Republica Democratica del Congo
Da Wikipedia, ła ençiclopedia libara.
La Republica Democratica del Congo (la se ciamava Zaire fin al 17 magio 1997) la xe na naxion de l’Africa Zsentrałe. El Congo el xe a caval de l’equatore en te l’ovest del continente e el confina co la Republica Zsentrafricana per 1.577 km, a nord-est co el Sudan per 628 km, a est co l'Uganda (765 km), el Ruanda (217 km), el Burundi (233 km) e la Tanzania (459 km), a sud co lo Zanbia (1.930 km) e l'Angola (par 2.511 km, 225 km i xe co l'exclave angolana de Cabinda) e a nord-ovest con la Republica del Congo (2.410 km). Co i so 2.345.410 km2 el xe el secondo paexe de l’Africa par estenxion.
[modifica] Morfologia
Quasi tuto el paexe el xe baso e el forma el bazin del Fiume Congo el secondo fiume africano par lunghezsa e el primo par portata de aqua. Tuto el paexe el xe cuerto da foreste tropicali e taja da miliari de corsi d’aqua. I Monti Mitumba i fa da confin co Ruanda e Burundi, e la cadena del Virunga, quasi tuti vulcani, la se cata al confin co Rwanda e Uganda. A sud, se cata i monti de lo Shaba e del Katanga. La montagna pi alta la xe el Monte Stanley (5190 m) al confin co l’Uganda.
[modifica] Aque
I fiumi pi inportanti i xe: el Congo, 4.374 Km, l’Ubangi, 2300 Km, el Kasai 1950 Km, e el Lomami 1500 Km. Se cata parò miliari de fiumi pi curti che i porta l’aqua a uno de i pi grandi. I fiumi i xe anca le pi inportanti vie de comunicaxion par el paese. El Congo el xe navigabile fin a Kisangani, 4000 km dal mar. El Lago Tanganica, el Lago Alberto, el Lago Mweru, el Lago Edoardo, e el Lago Kivu i xe divixi tra Congo e altri paexi de la region de i Grandi Laghi.
[modifica] Clima
El clima el xe caldo e umido co forti piove tuto l’ano. A nord se cata na zona de savane al confin co el Sudan.
- Portałe Africa: varda łe altre voxe de Wikipedia che łe parla de Africa