Danilo Sarugia
Da Wikipedia, ła ençiclopedia libara.
Danilo Sarugia (Miłan, 26 de febraro 1939) el xe un giornałista itałian.
[modifica] Cariera
El ga tacà ła cariera giornałistega come inviato del Corriere Lombardo e del setimanałe Milaninter, sucesivamente el xe pasà al periodico Nevesport. El ga cołaborà co' i giornałi Roma, Il Mattino, Il Giornale di Sicilia.
Dal 1981 al 1985 el xe sta anca el diretore responsabiłe deła rivista Inter Football Club e capo uficio stanpa de ł'Inter, mentre dal 1986 al 1995 el xe sta redatore del giornałe La Notte.
'Ntel corso dei ani'90 el ga tacà a 'ndar drio łe partìe de canpionato de ł'Inter 'nte łe emitenti rejonałi deła Łonbardia, prima a Antenna 3 e po a Telenova.
Ła so bravura de tełecronista sportivo i ło fa fato diventar popołare 'ntel corso del programa Diretta Stadio...ed è subito goal, (1999-2003) on talk-show in onda so Italia 7 Gold condoto (in chel periodo) da Giorgio Micheletti; oltre a comentare łe partìe de canpionato, Sarugia el xe sta tełecronista dełe partìe de Coppa UEFA 2001-2002 Valencia-Inter e Feyenoord-Inter, trasmese da ł'emitente, al punto da esare definìo el pì grande interołogo vivente par via dełe so conosenze so ła storia interista.
Łasà Diretta Stadio...ed è subito goal, el xe pasà dal ruoło de tełecronista al ruoło de opinionista tornando prima a Telenova (2003-2004) e po' a Italia 7 Gold (dal 2004). Atualmente el cołabora con Il Gazzettino de Venezsia e Metro.
[modifica] Livri
- Grande Inter «Figlia di Dio» edito da Limina
- Il secolo dell'Inter.Vocabolario illustrato della lingua «Beneamata» edito da Limina (in cołaborazsion col cołega Paolo Viganò)
[modifica] Frasi çełebri
"L'Inter 'ntel 1998 el ga perso ło Scudeto par esar sta batù in caxa contro Bari e Bołogna, non a causa del rigore non fis'cià so Ronaldo"
(origine sconosciuta)
|
"L'Inter ła ga vinto 14 Scudeti e no 15 in quanto a considero ło Scudeto 2006 on Scudeto de carton, 'na pataca"
(origine sconosciuta)
|
"Roberto Mancini el xe tra i mejo 1.500 ałenadori itałiani e Arrigo Sacchi el xe ł'ałenador che ga fato cadenazso pì de tuti"
(origine sconosciuta)
|
"Del Piero el sta a Totti come Roberto Baggio el sta a Mancini. Du fuoriclase de niveło internazsionałe, Del Piero e Baggio, contro du boni xogadori, Totti e Mancini"
(origine sconosciuta)
|
"Totti adeso el xe tra i 250 atacanti pì forti del mondo"
(origine sconosciuta)
|