Cangrande I de la Scala
Da Wikipedia, ła ençiclopedia libara.
Sto articolo chi l'è scrito in dialeto veronexe
|
|
Alberto I Canfrancesco de la Scala deto Cangrande I (Verona, 9 de marzso 1291 – Treviso, 22 de lujo 1329) l'è sta uno de i piassè brai Siori de Verona. Omo de governo e condotier militar, l'era ben amato da i veronexi.
Cangrande I l'era el terzo fiol de Alberto I de la Scala, Sior de Verona.
So pare e so fradel Bartolomeo i morì un drio l'altro che Alberto gavea dodeze ani, e de sta maniera Alberto, che l'era ancora zoino, el sa dovuo metarse a la guida de la cità insieme con so fradel magior Alboino.
Cangrande I l'era n'omo alto e belo, de caratere forte e impulsivo. El se ga sposà zoino con la prima dona che el se ga inamorà , Giovana D'Antiochia, na splendida butela che la pasava da Verona par andar a sposar un feudatario todesco pien de schei. In quatro e quatro oto l'è diventa cavalier, e el sà meso a la testa de l'esercito de Verona e el ga conquistà in pochi ani Vicenza, Treviso, Feltre, Padova, Mantova, Brescia.
L'era famoso par le so aventure con le done (el deto veronese Fiol d'en can se riferise ai tanti fioi che el Gran Can gavea en giro par la cità ); el gavea dieze fiole, anca se no el ga lassà nissun maszcio.
Cangrande l'era anca n'omo de governo e el ga portà Verona e i teritori conquistà a la richeza. L'era anca patrono de le arti. A lu se deve monumenti de rara beleza a Verona. El Poeta Dante Alighieri l'è stà so ospite par tri ani, quando l'era drio a finir de scrivar la Divina Comedia. Dante el ga dedicà a Cangrande la terza e piassè importante cantica, el Paradiso.
Cangrande l'è morto fora de Treviso chel gavea trentoto ani, i dise de una congestion parché el gavea beuo acqua giazada.