Mga Saksi ni Jehova

Mula sa Tagalog na Wikipedia, ang malayang ensiklopedya

Ang artikulong ito ay maaring nangangailangan ng pagsasaayos upang matugunan ang pamantayan sa kalidad ng Wikipedia.
Maari po kayong makatulong sa pagpapaunlad ng artikulong ito. (Marso 2007)

Ang Mga Saksi ni Jehova ay isang internasyonal na relihiyosong organisasyon na may kabuuang bilang na 6,513,132 sa 235 na mga bansa (2005 Yearbook). Ang kanilang internasyonal na punong tanggapan ay nasa Nueba York, E.U.A. Kilala sila bilang masugid na mga mangangaral (preacher) at mamamahayag (publisher) dala-dala ang kanilang mga aklat, pampleto, brosyur, Bibliya (Bagong Sanlibutang Salin ng Banal na Kasulatan) at magasing Gumising! (minsan isang buwan) at ang itinuturing na pinakamalaking relihiyosong pahayagan (sa anyong magasin), ang Ang Bantayan Naghahayag ng Kaharian ni Jehova. Mula sa lawak ng kanilang gawain ang bilang ng nababautismuhan sa buong daigdig bilang bagong mga miyembro ay may katamtamang bilang na 700 araw-araw.

[baguhin] Charles T. Russel

Napag-unawa nila na hindi kailanman naitalikod ang tunay na Kristiyanismo (Mateo 28:19, 20) Bible Online pagkatapos ng matinding pag-uusig sa mga sinaunang Kristiyano. Naniniwala ang Mga Saksi na ang makabagong-panahong Kristiyano ay pinasimulan ni Charles Taze Russel (kilala noon bilang "Pastor Russel") at mga kasamahan nito noong 1870 sa Allegheny, Pennsylvania at tinawag ang kanilang grupo bilang Mga Estudyante sa Bibliya. Hindi tulad ng ibang relihiyon, hindi itinuturing ng Mga Saksi si Russel bilang kanilang Lider kundi bilang isang kapuwa nila lingkod na binigyan ng isang natatanging prebilehiyo na pasimulan ang isang malawakang gawain na ipangaral ang Mabuting Balita ng Kaharian na siyang tanging solusyon sa lahat ng problema at pag-asa ng buong sangkatauhan. Kinikilala nila si Panginoong Jesus bilang ang tanging Lider ng isang nakikitang organisadong grupo dito sa lupa.

Bilang isang masugid na lingkod malimit na lumilibot si Russel hindi lamang sa Estados Unidos kundi maging sa ibang bahagi ng daigdig upang magbigay ng mga nakapupukaw-interes na mga pahayag, sa kabila ng kaniyang katandaan. Noong Linggo, Octobre 29, 1916 binigkas ni Russel ang kaniyang huling pahayag pangmadla sa Los Angeles. Makalipas ang dalawang araw, Martes ng hapon, Octobre 31, ang 64-anyos na si Russel ay namatay sakay ng isang tren sa Pampa, Texas. Sa sumunod na taunang pulong, noong Enero 6, 1917 hinalinhan ni Joseph Franklin Rutherford (kilala bilang "Hukom Rutherford") si Russel bilang presidente ng Watch Tower Society, isang legal na korporasyon (non-profit) na ginagamit ng Mga Saksi.

[baguhin] Mga Saksi ni Jehova

Noong Linggo ng hapon, Hulyo 26, 1931 sa isang kombensyon sa Columbus, Ohio iniharap ni Rutherford ang isang resolusyon na pinamagatang "Isang Bagong Pangalan," at tinapos bilang isang deklarasyon: "Nais naming makilala bilang at tawagin sa pangalan, alalaong baga, Mga Saksi ni Jehova." Lumukso sa tuwa ang mga delegado at tumugon sa sigaw na "Oo!" Hinalaw nila ang pangalang ito mula sa Isaias 43:10 na kababasahan ng ganito: "Kayo ang aking mga saksi, ang sabi ni Jehova."

Sa ibang pananalita, ang salitang Saksi ay nangangahulugan ng alinman sa dalawang bagay: (1) nakakita o nakarinig ng isang pangyayari, bagay at iba pa, at ito ay kaniyang sinasaksihan o pinatutotohanan ; (2) natutuhan o nalaman ang isang pangyayari, bagay o nakilala ang isang persona -ang kaniyang katangian, ugali, pagkatao, kayarian at maraming iba pa- at ito ay kaniyang itinatawid sa iba, sinasalita sa iba, ipinakikilala sa iba. Ito ang kaniyang sinasaksihan o pinatotohanan. Samakatuwid, kahit hindi mo nakita, narinig, nahipo o anupaman ngunit ito'y iyong nalaman, nakilala o natutuhan, ang isa ay maaaring maging saksi o tagapagpatotoo. Sa Ingles ito ay karaniwang tinatawag alinman sa "eye witness" o "testimonial witness." Ang Mga Saksi ay naniniwalang may mga saksi na noon sa lupa libu-libong taon bago pa isilang si Jesus (Hebreo 12:1). At mismong si Jesus ay pinaniniwalaan nilang isa ring Saksi ni Jehova (Juan 18:37; Apocalipsis 3:14).

[baguhin] Sino Sila?

Sa napakaraming bagay, ang mga Saksi ni Jehova ay katulad din ng iba. Sila’y may karaniwang mga problema—sa kabuhayan, pisikal, emosyonal. Sila’y nagkakamali paminsan-minsan, sapagkat hindi naman sila sakdal, kinasihan, o di-maaaring magkamali. Subalit nagsisikap silang matuto mula sa kanilang mga karanasan at matiyagang nag-aaral ng Bibliya upang magawa ang kinakailangang mga pagtutuwid. Gumawa na sila ng pag-aalay sa Diyos upang gawin ang kaniyang kalooban, at nagsisikap silang maisakatuparan ang pag-aalay na ito. Sa lahat ng kanilang ginagawa, hinahanap nila ang patnubay ng Salita ng Diyos at ng kaniyang banal na espiritu.

Napakahalaga para sa kanila na ibatay sa Bibliya ang kanilang mga paniniwala at hindi sa mga haka-haka lamang ng tao o sa mga turo ng relihiyon. Nadarama nila ang kagaya ng nadama ni apostol Pablo nang siya ay magpahayag samantalang nasa ilalim ng pagkasi: “Masumpungan nawang tapat ang Diyos, bagaman ang bawat tao ay masumpungang sinungaling.” (Roma 3:4, Bagong Sanlibutang Salin ng Banal na Kasulatan) Kung tungkol sa mga turong iniaalok bilang katotohanan sa Bibliya, lubos na sinasang-ayunan ng mga Saksi ang landasing sinunod ng mga taga-Berea nang marinig nila si apostol Pablo na nangangaral: “Tinanggap nila ang salita nang may buong pananabik ng kaisipan, na maingat na sinusuri ang Kasulatan sa araw-araw kung totoo nga ang mga bagay na ito.” (Gawa 17:11) Naniniwala ang mga Saksi ni Jehova na lahat ng mga turo ng relihiyon ay dapat sumailalim sa pagsubok na ito ng pagiging kasuwato ng kinasihang Kasulatan, maging ang turo ay mula sa kanila o mula sa iba. Kanilang inaanyayahan ka—hinihimok ka—na gawin ito sa iyong pakikipagtalakayan sa kanila.

Mula rito, maliwanag na ang mga Saksi ni Jehova ay naniniwala sa Bibliya bilang ang Salita ng Diyos. Kinikilala nila na ang 66 na aklat nito ay kinasihan at wasto ayon sa kasaysayan. Ang karaniwang tinatawag na Bagong Tipan ay tinutukoy nila bilang ang Kristiyanong Griegong Kasulatan, at ang Matandang Tipan naman ay tinatawag nilang Hebreong Kasulatan. Nananalig sila kapuwa sa dalawang ito, ang Griego at Hebreong Kasulatan, at inuunawa nila ito sa literal na paraan malibang maliwanag na ipinahihiwatig ng mga pananalita o tagpo na ang mga ito’y makasagisag o simboliko. Nauunawaan nila na marami sa mga hula ng Bibliya ang natupad na, ang iba ay kasalukuyang natutupad, at ang iba naman ay naghihintay pa ng katuparan.

[baguhin] Organisasyonal na Kayarian

Ang Mga Saksi ay kakaiba sa kanilang kaayusang organisasyonal kumpara sa ibang relihiyon. Hindi sila pinangungunahan ng iisang tao lamang. Wala silang herarkiya. Hindi sila gumagamit ng mga titulo na nagpapakilala sa isa o isang grupo bilang mas nakahihigit sa isa o sa iba. Tinatawag nila ang isat-isa bilang "Kapatid" (Brother) sa kabuuan. May ilang makakasulatang termino o pagkakakilanlan silang ginagamit ngunit ito'y bilang isang prebilehiyo lamang ng isang grupo o indibiduwal.

Lupong Tagapamahala

Kinabibilangan ng makaranasang mga lalaki na may ibat-ibang lahi at bansa, may bilang na 10 at itinuturing nilang kinatawan ng "tapat at maingat na alipin" bilang mga tagapanguna sa lahat ng kanilang gawaing espirituwal (Mateo 24:45, 46-47). Sa grupong ito nakasentro ang lahat ng kanilang mga gawain mula sa doktrinal na mga turo, organisasyonal hanggang sa ministeryal na aspeto na itinatawid naman sa buong daigdig na kapatirang Kristiyano. Kamakailan lang, inilipat ng grupong ito ang ilang mga pananagutang hindi sumasaklaw sa gawaing "espirituwal". Ang pangangasiwa ng mga gusali, palimbagan, legal at sekular na mga gawain ay ipinaubaya nila sa iba na hindi miyembro ng Lupong Tagapamahala (Governing Body).

Tagapangasiwa ng Sona

Isang makaranasang lalaki na dumadalaw sa bawat Sangay ng kaniyang nasasakupang sona bilang kinatawan ng punong tanggapan upang alamin ang mga problema (mula sa legal at iba pang aspeto), kalagayan ng gawaing ministeryo at iba pa.

Komite ng Sangay

Binubuo ng mga makaranasang lalaki (karaniwang nang may bilang na tatlo hanggang lima, depende sa laki ng sangay) na nangangasiwa sa gawain ng isang Sangay ( o bansa, ngunit may ilang sangay na kinabibilangan ng mahigit sa isang bansa depende sa lawak at laki).

Tagapangasiwa ng Distrito

Isang makaranasang lalaki na dumadalaw sa bawat Sirkito upang pangasiwaan, pangunahan ang gawain at ito'y iniuulat niya sa Sangay. Nangangasiwa siya sa mga Asambliya at Kombensiyon na ginaganap taon-taon sa kaniyang nasasakupan. Sa Pilipinas ay mayroong 12 distrito. Dumadalaw din siya kasama ng Tagapangasiwa ng Sirkito depende sa naka-iskedyul na Kongregasyon.

Tagapangasiwa ng Sirkito

Isang makaranasang lalaki na dumadalaw sa bawat Kongregasyon upang pangasiwaan at pangunahan ang gawain at ito'y iniuulat niya sa Sangay. Tumutulong siya sa Tagapangasiwa ng Distrito upang pangangasiwaan ang mga Asambliya na ginaganap taon-taon sa kaniyang nasasakupan. Sa Pilipinas ay mayroong 183 na sirkito. Karaniwan ng mayroong katamtamang 20 kongregasyon ang kaniyang pinangangasiwaan. Dumadalaw siya 2 beses bawat taon sa bawat kongregasyon.

Lupon ng Matatanda

Binubuo ng makaranasang mga lalaki na tinatawag ding Tagapangasiwa (Overseer) o Matanda (Elder) (minsan ay iisang lalaki lamang lalo na sa liblib na mga lugar) upang pangunahan at pangasiwaan ang gawain ng Kongregasyon. Ang Lupon ay binubuo ng Punong Tagapangasiwa Presiding Overseer), Kalihim (Secretary), Tagapangasiwa sa Paglilingkod (Service Overseer) na bumubuo sa Lupon sa Paglilingkod (Service Committee) at iba pang Matatanda.

Ministeryal na Lingkod

Sila ay mga katamtaman hanggang sa makaranasang mga lalaki na tumutulong sa mga Matatanda lalo na sa ministeryal na mga gawain tulad ng pangangasiwa sa Teritoryo (bawat kongregasyon ay may naka asayn na ilang partikular na lugar upang pangaralan), Sound System, Paglilinis, Attendant, Magasin, Literatura at Pag-iimbeta ng mga Tagapagpahayag bawat linggo mula sa ibat-ibang kongregasyon.

Espesyal Payunir

Mga lalaki't babae, karamihan ay mga mag-asawa na ini-asayn ng Sangay sa isang partikular na Kongregasyon upang tumulong sa pangangaral o sa isang liblib na lugar upang bumuo ng kongregasyon. Gumugugol ng katamtamang 120 oras bawat buwan sa pangangaral

Regular Payunir

Mga lalaki't babae, karaniwan nang mga binata't dalaga na nakaugnay sa bawat kongregasyon upang tumulong sa pagpapasigla ng pangangaral. Tinatawag ding mga "buong-panahong naglilingkod," at gumugugol ng katamtamang 70 oras bawat buwan sa pangangaral. Ang pribilehiyong ito ay bukas sa lahat ng mga mamamahayag (publisher). Inaaprubahan ng Sangay mula sa rekomendasyon ng Lupon ng Matatanda sa Kongregasyon.

Oksilyari Payunir

Mga lalaki't babae, karamihan ay mga kabataan na nakaugnay sa bawat kongregasyon na gumugugol ng katamtamang 50 oras sa isang buwan. Karaniwan silang nag-ooksilyari payunir tuwing bakasyon. Inaaprubahan ng Lupon ng Matatanda.

[baguhin] Mahahalagang Okasyon

Memoryal ng Kamatayan ni Jesus

Kung ang Sangkakristiyanuhan (Christendom) ay nagdaraos ng napakaraming mga pagdiriwang, ang mga Saksi ni Jehova ay mayroon lamang iisa at natatanging okasyon. Ito ay ipinagdiriwang nila minsan sa isang taon at itinuturing nilang pinakabanal na selebrasyon, ang pag-alaala sa kamatayan ni Jesus o Memoryal (Hapunan ng Panginoon). Ito ang katunayan ng kanilang pagtanggap at pananampalataya sa haing-pantubos ni Jesus. Para sa kanila ito lamang ang nag-iisang bagay na iniutos sa tunay na mga Kristiyano upang ipagdiwang sapagkat tuwiran itong tinuran ni Jesus: "Patuloy ninyong gawin ito bilang pag-alaala sa akin" -Lucas 22:19.

Espesyal na Pahayag

Karaniwang binibigkas ito isang Linggo pagkatapos ng Memoryal at sabay-sabay na ipinapahayag ang iisang tema o paksa sa buong daigdig.

Internasyonal na Kombensiyon

Ginaganap taun-taon ngunit sa piling mga bansa lamang o depende sa naka-iskedyul. Huling ginanap sa Pilipinas noong 1993 sa Rizal Stadium, Manila. Ang mga delegado ay nagmumula sa ibat-ibang panig ng mundo at nagpapakitang ang mga Saksi ay tunay na nagkakaisa anuman ang lahi, bansa, wika o kulay.

Pandistritong Kombensiyon

Idinaraos minsan isang taon sa loob ng tatlong araw -mula Biyernes hanggang Linggo- sa buong bansa. Ito'y kinabibilangan nang mga Saksi mula sa tatlo o dalawang Sirkito, depende sa bilang. Karaniwan ng umuupa sila ng mga istadyum, sports complex at awditoryum upang pagdausan at sa ilang piling lugar ay nakapagpatayo na sila ng kanilang sariling mga Assembly Hall.

Pansirkitong Asambliya

Pinangungunahan ng Tagapangasiwa ng Distrito kasama ang Tangapangasiwa ng Sirkito, ito ay ginaganap minsan sa isang taon bilang dalawang araw na piging, Sabado at Linggo. Ang mga delegado ay mula sa isang Sirkito mula sa katamtamang 20 Kongregasyon.

Espesyal na Asambliya

Ang Tagapangasiwa ng Sirkito ang nangunguna sa pagtitipong ito minsan sa isang taon at tinatawag ding "Pantanging Araw ng Asambliya" dahil ito'y sa araw ng Linggo lamang. Tulad ng Pansirkitong Asambliya, ang mga delegado ay mula rin sa isang Sirkito na kinabibilangan ng 20 Kongregasyon.

[baguhin] Mga Pagpupulong

Tinatawag nilang Kingdom Hall ang kanilang bahay pulungan. Dito sila nagtitipon upang sumamba, tumanggap ng mga paalaala, tagubilin, pagsasanay, pag-aaral at pagpapatibayan sa isat-isa. Ang bawat pulong ay pinasisimulan ng isang awit at panalangin. Sa kanilang pag-awit sila ay gumagamit ng Aklat Awitan bilang giya at sumasabay sa himig ng isang awiting pangkaharian. Ang lahat ng mga pagpupulong ay bukas para sa lahat at walang koleksiyon o pangingilak ng pera. Ang bawat isa ay malayang maghulog ng kaniyang bukal-sa-loob na donasyon at walang takdang halaga sa mga donation box na matatagpuan sa likurang bahagi ng bulwagan.

Hinati nila sa tatlong eskedyul ang kanilang mga pagpupulong: Pahayag Pangmadla at susundan kaagad ng Pag-aaral sa Ang Bantayan, karaniwan nang sa araw ng Linggo (sa ibang lugar ay Sabado, depende sa kung ilang kongregasyon ang gumagamit ng bulwagan o Kingdom Hall); Paaralang Teokratiko sa Ministeryo at susundan kaagad ng Pulong Ukol sa Paglilingkod, karaniwan nang sa gabi alinman sa araw ng Martes, Miyerkules, Huwebes o Biyernes, depende sa kung ilang kongregasyon ang gumagamit ng bulwagan (tinatawag ding Mid-week Meeting) at Pag-aaral sa Aklat ng Kongregasyon, karaniwan nang sa gabi alinman sa araw ng Lunes, Martes, Miyerkules, Huwebes, Biyernes o Sabado.

Ang pagtuturo sa kongregasyon, lalo na ang pagpapahayag sa pulpito ay pribilehiyo lamang na ipinagkaloob ng Kasulatan sa mga kalalakihan. Karaniwan nang bahagi ng mga babae ang mga pagtatanghal sa stage. Maliban lamang sa iilang kaso sa liblib na mga lugar na kung saan walang kuwalipikadong lalaki, ang mga babae ang nangunguna sa mga pulong ngunit hindi tumatayo sa pulpito, nakaupo lamang sa isang upuan at mesa at kinakailangang maglagay siya ng lambong (karaniwang panyo) sa ulo bilang tanda ng pagpapasakop sa pagkaulo ng lalaki.

Pahayag Pangmadla

Ibat-ibang paksa bawat Linggo na binibigkas sa loob ng 45 minuto ng isang inanyayahang Matanda o Ministeryal na Lingkod mula sa ibat-ibang kongregasyon. Tumatalakay sa mga doktrinal na paksa, pang-organisasyon, pangkongregasyon at iba pa.

Pag-aaral sa Ang Bantayan

Tanong-sagutan na pag-aaral sa magasing Ang Bantayan. Tumatalakay sa mga paksang pangkaharian, saloobin, pag-uugali, pangmalas at marami pang iba. Dito rin karaniwang nalalaman ng mga Saksi ang kanilang bagong pagkaunawa, kung mayroon man, sa doktrinal na mga isyu at organisasyonal na kaayusan sa buong daigdig.

Paaralang Teokratiko sa Ministeryo

Sa loob ng 45 minuto, sinasanay at tinuturuan ng isang Tagapangasiwa sa Paaralan kasama ang kaniyang Katulong na Tagapayo, ang mga mamamahayag kung paano bumasa, makibagay at makipag-usap ng mahusay sa mga tao gamit ang isang aklat bilang giya.

Pulong Ukol sa Paglilingkod

Gamit ang isang buwanang giya (Ang Ating Ministeryo sa Kaharian) pinag-uusapan at tinatalakay sa loob ng isang oras ang mga aspeto ng pangangaral na angkop sa bawat lugar. Dito nalalaman ng mga Saksi kung ano ang kanilang literaturang iaalok para sa isang partikular na buwan at lokal na mga pangangailangan ng bawat kongregasyon.

Pag-aaral sa Aklat ng Kongregasyon

Karaniwang tinatawag na CBS (mula sa Ingles na Congregation Book Study), isang tanong-sagutan na pag-aaral sa isang aklat sa loob ng isang oras at pinangungunahan ng isang Matanda (CBS Overseer) kasama ng isang Matanda din o kaya'y Ministeryal na Lingkod (Assistant). Di-tulad sa naunang apat na pagpupulong, ito ay isinasagawa sa magkahiwalay na maliliit na pangkat at karaniwan nang idinadaos sa pribadong tahanan ng isang Saksi.

Pulong Bago Maglingkod

Bagaman hindi kasama sa naunang 5 pangunahing mga pagpupulong, ito ay pinahahalagahan din nila. Tinatalakay at pinag-uusapan nila sa loob ng 15 minuto kung aling teritoryo o lugar ang pangangaralan at kung ano ang kanilang gagamitin na mabisang pambungad sa pakikipag-usap bago mangaral.

[baguhin] Mga Paniniwala

Ang Biblia ay Salita ng Diyos at siyang katotohanan 2Tim 3:16, 17; 2Ped 1:20, 21; Juan 17:17

Higit na mapananaligan ang Biblia kaysa sa tradisyon Mat 15:3; Col 2:8

Ang pangalan ng Diyos ay Jehova Aw 83:18; Exo 6:3 King James Version American Standard Version Young's Literal Translation Inspired Version of the Bible Geneva Bible Bishop's Bible Webster Bible Darby Bible New World Translation of the Holy Scriptures The Recovery Version. English Standard Version

Si Kristo ay Anak ng Diyos at nakabababa kay Jehova Mat 3:17; Juan 8:42; 14:28; 20:17; 1Cor 11:3; 15:28

Si Kristo ang una sa mga nilalang ng Diyos Col 1:15; Apo 3:14

Si Kristo ay namatay sa isang tulos o punong kahoy, hindi sa isang krus Gal 3:13; Gaw 5:30 ASV, YLT, KJV, IVB, BIS, WEB, BBE, WOR

Ang buhay tao ni Kristo ay ibinayad bilang pantubos para sa masunuring mga tao Mat 20:28; 1Ti 2:5, 6; 1Pe 2:24

Ang isang hain ni Kristo ay sapat na Ro 6:10; Heb 9:25-28

Si Kristo ay ibinangon mula sa mga patay bilang isang imortal na espiritung persona 1Pe 3:18; Ro 6:9; Apo 1:17, 18

Ang pagkanaririto ni Kristo ay sa espiritu Ju 14:19; Mat 24:3; 2Co 5:16; Aw 110:1, 2

Tayo ngayon ay nasa 'panahon ng kawakasan' Mat 24:3-14; 2Ti 3:1-5; Lu 17:26-30

Ang Kaharian sa ilalim ni Kristo ay mamamahala sa lupa taglay ang katuwiran at kapayapaan Isa 9:6, 7; 11:1-5; Dan 7:13, 14; Mat 6:10

Ang Kaharian ay magdadala ng napakainam na mga kalagayan ng pamumuhay sa lupa Aw 72:1-4; Apo 7:9, 10, 13-17; 21:3, 4

Ang lupa ay hinding-hindi mawawasak o mawawalan ng naninirahan Ec 1:4; Isa 45:18; Aw 78:69

Aalisin ng Diyos ang kasalukyang sistema ng mga bagay sa digmaan ng Armagedon Apo 16:14, 16; Zef 3:8; Dan 2:44; Isa 34:2; 55:10, 11

Ang balakyot ay pupuksain magpakailanman Mat 25:41-46; 2Te 1:6-9; Aw 37:9-11

Ang mga taong sinang-ayunan ng Diyos ay tatanggap ng buhay na walang hanggan Ju 3:16; 10:27, 28; 17:3; Mar 10:29, 30

Iisa lamang ang daan tungo sa buhay Mat 7:13, 14; Efe 4:4, 5

Ang kamatayan ng tao ay dahil sa kasalanan ni Adan Ro 5:12; 6:23

Ang kaluluwa ng tao ay hindi na umiiral pagkamatay Eze 18:4; Ec 9:10; Aw 6:5; 146:4; Ju 11:11-14

Ang impiyerno ay ang karaniwang libingan ng tao Job 14:13; Apo 20:13, 14

Ang pag-asa ng mga patay ay pagkabuhay-muli 1Co 15:20-22; Ju 5:28, 29; 11:25, 26

Mawawala na ang Adanikong kamatayan 1Co 15:26, 54; Apo 21:4; Isa 25:8

Isang munting kawan lamang ng 144,000 ang aakyat sa langit at mamamahala kasama ni Kristo Lu 12:32; Apo 14:1, 3; 1Co 15:40-53; Apo 5:9, 10

Ang 144,000 ay ipinanganak-muli bilang espirituwal na mga anak ng Diyos 1Pe 1:23; Ju 3:3; Apo 7:3, 4

Ang bagong tipan ay ipinakipagtipan sa espirituwal na Israel Jer 31:31; Heb 8:10-13

Ang kongregasyon (Iglesia) ni Kristo ay itinayo sa kaniya Efe 2:20; Isa 28:16; Mat 21:42

Ang mga panalangin ay dapat ipatungkol lamang kay Jehova sa pamamagitan ni Kristo Ju 14:6, 13, 14; 1Ti 2:5

Ang mga imahen ay hindi dapat gamitin sa pagsamba Exo 20:4, 5; Lev 26:1; 1Co 10:14; Aw 115:4-8

Ang espiritismo ay dapat iwasan Deut 18:10-12; Gal 5:19-21; Lev 19:31

Si Satanas ang di-nakikitang tagapamahala ng sanlibutan 1Ju 5:19; 2Co 4:4; Ju 12:31

Ang isang Kristiyano ay hindi dapat makibahagi sa mga kilusang interfaith 2Co 6:14-17; 11:13-15; Gal 5:9; Deut 7:1-5

Ang isang Kristiyano ay dapat na manatiling hiwalay sa sanlibutan San 4:4; 1Ju 2:15; Ju 15:19; 17:16

Sumunod sa mga batas ng tao na hindi salungat sa mga batas ng Diyos Mat 22:20, 21; 1Pe 2:12; 4:15

Ang pagpasok ng dugo sa katawan sa pamamagitan ng bibig o ugat ay labag sa mga kautusan ng Diyos Ge 9:3, 4; Lev 17:14; Gaw 15:28, 29

Ang mga kautusan ng Biblia tungkol sa moral ay dapat sundin 1Co 6:9, 10; Heb 13:4; 1Ti 3:2; Kaw 5:1-23

Ang pangingilin ng Sabbath ay sa Israel lamang ibinigay at tinapos kalakip ng Kautusang Mosaiko Deut 5:15; Exo 31:13; Ro 10:4; Gal 4:9, 10; Col 2:16, 17

Ang uring klero at pantanging titulo ay di-angkop Mat 23:8-12; 20:25-27; Job 32:21, 22

Ang tao ay hindi bunga ng ebolusyon kundi nilalang Isa 45:12; Ge 1:27; Mat 19:4

Si Kristo ay nagbigay ng halimbawa na dapat sundin sa paglilingkod sa Diyos 1Pe 2:21; Heb 10:7; Ju 4:34; 6:38

Ang bautismo sa pamamagitan ng lubusang paglulubog sa tubig ay sumasagisag sa pag-aalay Mar 1:9, 10; Ju 3:23; Gaw 19:4, 5

Ang mga Kristiyano ay natutuwang magbigay ng pangmadlang patotoo sa maka-Kasulatang katotohanan Ro 10:10; Heb 13:15; Isa 43:10-12