மின்னூட்டு

கட்டற்ற கலைக்களஞ்சியமான விக்கிபீடியாவில் இருந்து.

இலத்திரன், புரோத்தன் போன்ற அணுத்துணுக்களின் அடிப்படை இயல்பே மின்னூட்டு (Charge). தமிழில் மின்னூட்டு என்ற சொல்லுக்கு பதிலாக மின்னூட்டம் என்றும் பயன்படுத்தப்படுவதுண்டு. இயற்கையாகவே அவ் அணுத்துணுக்கள் மின்னூட்டு கொண்டுள்ளன. புரோத்தன் நேர் மின்னூட்டையும், இலத்திரன் எதிர் மின்னூட்டையும் கொண்டிருப்பதாக வரையறை செய்யப்பட்டுள்ளது.

மின்னூட்டம் இயல்பு காரணமாக புரோத்தனையும், இலத்திரனையும் மின்னணு என்றும் குறிப்பிடுவர்.

[தொகு] வரலாறு

பண்டைய காலத்திலேயே மக்கள் அரக்கினைப் பட்டுத்துணியால் தேய்த்த பின்பு அது சிறு சிறு செத்தைகள், முடி போன்றவற்றை ஈர்ப்பதை அறிந்திருந்தனர். கி.மு. 600 வாக்கில் கிரேக்கத்தில் வாழ்ந்த தாலஸ் இதை முதன்முதலில் கண்டறிந்த பெருமைக்குரியவராகக் கருதப்படுகிறார். பிற்காலத்தில் ஃபிரான்சின் கூலும், ( இங்கிலாந்தின் காவன்டிஷ் ) இதே முறையைப் பின்பற்றி பொருட்களை மின்னூட்டு அடையச் செய்து, அவற்றுக்கிடையிலான விசையின் அளவைக் கூறும் சமன்பாட்டைக் கண்டறிந்தனர்.

[தொகு] பார்க்க

• கூலோமின் விதி
• மின்னோட்டம்
• மின்னழுத்தம்
• அணுக்கொள்கை