விக்கிப்பீடியா:நடுநிலை நோக்கு
கட்டற்ற கலைக்களஞ்சியமான விக்கிபீடியாவில் இருந்து.
| இது விக்கிபீடியா தமிழ் விக்கிபீடியா ஆகிய இரண்டின் ஏற்பு பெற்ற கொள்கைகளும் வழிகாட்டல்களும் ஆகும். பரவலாக பயனர்களின் ஒப்புதல் இந்தக் கொள்கைக்கு உண்டு. இந்தக் கொள்கையையும் வழிகாட்டல்களையும் அனைவரும் மதித்து செயல்படவேண்டும் என்று எதிர்பார்க்கப்படுகின்றது. புதுக் கருத்துக்களையும், மாற்றுக் கருத்துகளையும் உரையாடல் பக்கத்தில் தெரிவிக்கலாம். குறிப்பிடத்தக்க மாற்றங்களை ஏற்படுத்தும் முன்பு அந்த மாற்றங்களை நோக்கி இணக்க முடிவை எட்டி ஏற்படுத்தவும். |
தமிழ் விக்கிபீடியாவின் கட்டுரைகள் நடுநிலை நோக்கோடு எழுதப்படவேண்டும். அதாவது அனைத்து முக்கிய பார்வைகளுக்கும் தகுந்த, நியாயமான இடம் தரப்பட வேண்டும். அந்தப் பார்வைகள் பக்கசார்பை வலியுறுத்தாமல் ஆதாரபூர்வமான தகவல்களை அடிப்படையாக கொண்டிக்கவேண்டும்.
| தமிழ் விக்கிபீடியாவின் கொள்கைகள் |
|---|
|
கொள்கைகளும் வழிகாட்டல்களும் |
| தமிழ் விக்கிபீடியாவின் வழிகாட்டல்கள் |
|
மேற்கோள் சுட்டுதல் |
நடுநிலைமை விக்கிபீடியாவினதும், தமிழ் விக்கிபீடியாவினதும் ஆணிவேர் கொள்கைகளில் ஒன்று. இந்த கொள்கை பல்வேறு பயனர்களின் பங்களிப்பை உள்வாங்கி தமிழ் விக்கிப்பீடியாவின் குறிக்கோளான எளிய தமிழில் தரமான கலைக்களஞ்சியத்தை ஆக்குவதை ஏதுவாக்கின்றது.
பொருளடக்கம் |
[தொகு] நடுநிலைமைக் கொள்கையை விளங்கிக் கொள்ளல்
[தொகு] முரண்பாடுகளும் நடுநிலைமையும்
நடுநிலைமை ஒரு விடயம் நோக்கி முரண்படும் கருத்துடைய பார்வைகளை ஒரே கட்டுரையில் பகிர வசதிசெய்யும் ஒரு வழிமுறை ஆகும். ஆனால் இது அனைத்து பார்வைகளுக்கும் சம உரிமை, சம முக்கியத்துவம் தருவதென்று பொருள்படாது. நடுநிலை நோக்கு அனைத்து முக்கிய பார்வைகளுக்கும் தகுந்த நியாயமான இடம் தரப்படவேண்டும் என்றே வேண்டுகின்றது.
கருத்து வேறுபாடுகள் விபரிக்கப்படலாம், பகிரப்படலாம் ஆனால் கருத்துவேறுபாட்டு இழுப்பறியில் ஈடுபடக்கூடாது. துல்லியமான கட்டுரைகள் கருத்துக்களை நோக்கிய மதிப்பீடுகளை முன்வைக்கலாம் ஆனால் தீர்க்கமான பக்க சார்பான முடிவுகளை முன்வைக்கக்கூடாது.
[தொகு] உண்மையும் நடுநிலைமையும்
'உண்மைக்கு முன் நடுநிலைமை என்பது இல்லை' என்பது சரியே. உண்மையான நோக்கில் தகவல்களை தரும்பொழுது "நடுநிலைமை கலைவதில்லை"[1]. ஆனால் ஒரு பக்க பார்வையே உண்மையானது மற்றவருடைய பார்வை பொய்யானது என்ற கருத்து இழுப்பறியில் ஈடுபடுவதை தமிழ் விக்கிபீடியா அனுமதிக்காது. பார்வைகளை ஆதாரபூர்வமாக நிலைநிறுத்தி, பயனர்கள் முடிவுசெய்வற்கு வசதிசெய்வதே தமிழ் விக்கிபீடியாவின் நடுநிலை நோக்கின் தன்மையாகும்.
[தொகு] பக்கசார்பும் நடுநிலைமையும்
இயன்றவரை விடயநோக்காகவும், ஆதாரபூர்வமான தகவல்களின் அடிப்படையிலும், ஒரு பக்கசார்பின்றியும் தமிழ் விக்கிபீடியாவின் கட்டுரைகள் எழுதப்பட வேண்டும் என்பதையே நடுநிலைமை நோக்கு வேண்டுகின்றது. எனினும், மனிதர்களுக்கு பக்கசார்பு எதோ ஒருவகையில் இயல்பாகவே அமையும் என்ற கூற்றில் உண்மையுண்டு. அவற்றை அவதானித்து தவிர்ப்பது நன்று.
ஒருவருடைய எழுத்தில் பின்வரும் பக்கசார்புகள் இருக்கலாம்:
- வர்க்கம் அல்லது சாதி சார்பு
- குறிப்பிட்ட அரசியல் கட்சி அல்லது கோட்பாடு சார்பு
- சமய சார்பு
- ஆண் ஆதிக்க சார்பு
- பால் நிலைச் சார்பு
- இனச் சார்பு
- தேசியம் சார்பு
[தொகு] மேற்கோள்கள்
- ↑ "உன்மையின் பக்கம் சாய்வதில் நடுநிலைமை கலைவதில்லை." சுஜதா http://www.ambalam.com/sujatha/2002/april/sujatha14_01.html
[தொகு] வெளி இணைப்புகள்
- சிறந்த பத்திரிகை நடைமுறைக்கான பகுப்பாய்வும் வழிகாட்டலும் - (தமிழில்)
- http://video.google.ca/videoplay?docid=-8662215365427258604&q=neutral+point+of+view Jimmy Wales - Keeping Wikipedia Politically Neutral
