Sámiráđđi
Wikipedias
Sámiráđđi lea vuođđuduvvon borgemánu 18. beaivve 1956 Kárašjogas sámiid nubbi konfereanssas namain Davviriikkaid sámiráđđi. Jagis 1992 Helssegis ordnejuvvui sámiid 15. konfereansa, gos Ruošša beale Guoládaga sámi searvi dohkkehuvvui lahttun ja Sámiráđi namas guđđojuvvui davviriikalaš eret.
Sámiráđi dievasčoahkkimis leat 15 lahtu, geat ovddastit gávcci lahttosearvvi: Suoma Sámiid Guovddášsearvi Suomas, Guoládaga Sámi Searvi ja Murmánskka guovllu Sámesearvi Ruoššas, Norgga Boazosápmelaččaid Riikkasearvi, Norgga Sámiid Riikasearvi ja Sámiid Álbmotlihttu Norggas, Sámiid Riikkasearvi ja Same Ätnam Ruoŧas.
[ođasmahte] Namma eará gielain
- sámegillii Sámiráđđi
- dáro- ja ruoŧagillii Samerådet
- suomagillii Saamelaisneuvosto
- eaŋgalsgillii Saami Council
- duiskkagillii Der Rat Der Saamen
- fránskkagillii Le Conseil Des Sami
- spánskkagillii El Consejo Saami