Kárášjohka
Wikipedias
| Kárášjoga gielda | |
|---|---|
 |
 |
| Vuođđodieđut | |
| Fylka: | Finnmárku |
| Hálddahusguovddáš: | Kárášjohka |
| Viidodat: | 5 463 km² |
| Olmmošlohku: | 2 866 (2008) |
| Giella: | dárogiella ja davvisámegiella |
| Webbasiiddut: | samisk.karasjok.kommune.no |
| Politihkka | |
| Sátnejođiheaddji: | Kjell H. Sæther (Ap) () |
Kárášjoga gielda (dárogillii Karasjok, suomagillii Kaarasjoki) lea Norgga nubbin stuorámus gielda sis-Finnmárkkus. Kárásjoga rádjegielddat leat Porsáŋgu ja Deatnu davvin, Guovdageaidnu oarjin, Suoma bealde Ohcejohka nuortin ja Anár lullin. Gieldda čoahkkebáiki lea Kárášjoga gáttis, sullii 18 km Suoma rájis.
Kárášjohka gohččoduvvo maid "sámiid oaivegávppogin" danin go gieldda ássiin 80 proseantta leat sápmelaččat ja Kárášjoga gilis lea Norgga Sámedikki viessu. Dasa lassin Kárášjogas doibmet sámi našunalmusea Sámiid Vuorká-Dávvirat, NRK Sámi Radio, Sámi dáiddaguovddáš ja sámegielat aviisa Min Áigi.
[ođasmahte] Historjá
Bivdorokkit duođastit ahte Kárášjoga guovllus leat ássan olbmot jo 3000 o.Kr. Boares dálveorohat Ávjovárri lea rievdan Kárášjoga gillin. Kárášjohka šattai iežaset gieldan jagis 1867 ja jagis 1872 dat šattai sierra girkosuohkanin.
Kárášjoga boares girku lea huksejuvvon jagis 1807 ja dat lea Finnmárkku boarraseamos girku ja áidna visti mii ii buollán nubbi máilmmesoađi áigge. Ođđa girku lea huksejuvvon jagis 1974.
[ođasmahte] Dovddus kárášjohkalaččat
- Samuel Balto, jođii Ruonaeatnáma čađa Fridtjof Nansena dutkijoavkkus jagis 1888
- Ole Nielsen Ravna , jođii Ruonaeatnáma čađa Fridtjof Nansena dutkijoavkkus jagis 1888
- Kirsten Svineng, "Mamma Karasjok"
- Mari Boine, artista
- Matti Aikio, girječálli
- Iver Jåks, dáiddár
- Sverre Porsanger, neavttá
- Halvdan Nedrejord, musihkkár
- Intrigue, sápmelaš rock-joavku
[ođasmahte] Liŋkkat
| Finnmárkku gielddat |
|---|
| Ákŋoluokta | Álaheadju | Báhcavuotna | Bearalváhki | Čáhcesuolu | Davvesiida | Davvinjárga | Deatnu | Fálesnuorri | Gáŋgaviika | Guovdageaidnu | Hámmárfeasta | Kárášjohka | Láhppi | Mátta-Várjjat | Muosát | Porsáŋgu | Unjárga | Várggát |
