Wikipedia:Wikipedia nun è un dizziunariu
Di Wikipedia, la nciclupidìa lìbbira.
WND - Wikipedia Nun è un Dizziunariu
Ìndici |
[cancia] Criteri
E' naturali, quannu si vidi Wikipedia pâ prima vota, cunfunnìrila pûn dizziunariu. 'N rialtà, zoccu si sta circannu di rializzari è n'enciclopedia, zoè quarchicosa di sustanziarmenti diversu e divirsamenti articulatu.
N'artìculu d'enciclopedia discrivi li cuncetti ca sunnu cumprisi ntô tèrmini ca si va difinennu, cerca di cumprinnìrinni li causi, l'effetti e lu cuntestu, nun si limita a na tiligràfica difinizzioni linguìstica.
Ci sunnu tanti tèrmini ca nun sunnu di ntiressi pi n'enciclopedia. Lu sarìanu, 'n nu dizziunariu, ma Wikipedia nun è un dizziunariu. Dunca nun ha senzu discrìviri sèmprici significati di dizziunariu nta l'artìculi di Wikipedia (a menu ca, 'n quarchi modu è mpurtanti discrìviri ddi senzi pi chiarificari lu suggettu principali di l'artìculu).
Chistu è suprattuttu veru ntô casu di vuci biogràfichi. Chisti tènninu a li voti a aviri centru di ntiressi principarmenti supra li culligamenti di famigghia immidiati (li ginitura, li còniuggi, li figghi e li sô còniuggi) dû suggettu di l'artìculu. Wikipedia è n'enciclopedia, e comu tali havi cchiù ntiressi pi l'azzioni e li cuntribbuti dû suggettu di n'artìculu. Chistu significa ca tanti dittagghi di genealuggìa ponnu èssiri umisi 'n canciu di na megghia scurrivulizza.
Li vuci biogràfichi 'n particulari, pi putiri èssiri cunziddirati n'artìculu, hannu a ripurtari, oltri a locu e data di nascita (e evintuali morti), macari l'attività privalenti dâ pirsuna e armenu na nfurmazzioni ca nni giustifica lu nzirimentu nta l'enciclopedia.
Siddu, comu dicemmu/dissimu, Wikipedia nun è un dizziunariu, mmeci lu pruggettu parallelu Wikizionariu è un dizziunariu.
[cancia] Asempî di vuci di dizziunariu
- E.T. - > Riggìa: Steven Spielberg
- Colza - > Brassica napus: Specii cultivata pi ricavàrinni ogghiu dâ sumenza/simenza.
[cancia] Asempî di vuci biogràfichi
- Jaurès Cecconi (Pisa? [19??] - Ginova? [19??])
[cancia] Appricazzioni
Li vuci ca tràsinu ntâ difinizzioni di dizziunariu e nta l'asempî ca stannu susu, vannu prupunuti pâ cancillazzioni ca va a abbèniri, sarvu ndicazzioni cuntrarii, doppu 7 jorna.
[cancia] Vuci currilati
- Aiutu:Aiutu
- Aiutu:Standard
- Aiutu:Wikizionariu
- Zoccu Wikipedia nun è
[cancia] Fonti
La fonti di st'artìculu è la Uichipidìa Taliana:
http://it.wikipedia.org/wiki/Wikipedia:Wikipedia_non_%C3%A8_un_dizionario
