Vitu Santangelu
Di Wikipedia, la nciclupidìa lìbbira.
Vitu Santangelu (o Vito Santangelo n talianu) è nu cantastori sicilianu ca nascìu a Paternò (CT) ntô 1938.
Ìndici |
[cancia] Biografìa
Vitu Santangelu appi lu sò primu cuntattu cu lu pùbbricu ntô 1951, zoè quannu iddu avìa sulu trìdici anni: cantava nzèmmula a na cumpagnìa d'artisti giròvachi ca s'ammustrava ntô sò paiseddu. A pàrtiri di stu mumentu, accumenza a fari parti di la cumunitati dî cantastori siciliani (Pàulu Garofanu, Cicciu Busacca, ecc.).
La prima storia ca scrissi fu "La madre assassina" nta lu 1958.
[cancia] Cullabburazzioni cu Gnazziu Buttitta
Comu a Cicciu Busacca, Vitu Santangelu cullabburau puru iddu cu lu famusu pueta sicilianu Gnazziu Buttitta
[cancia] Premi
Vincìu lu premiu “Trovatore d’Italia”. Ntô 1958, Vitu Santangelu, c'apprisintau la storia di “La madre assassina”, vincìu lu premiu di lu 2° Concorso Nazionale dei Cantastorie "Il Trovatore d'Italia" a Gonzaga (Mantova).
[cancia] Temi
Ntâ sò pruduzzioni cchiù ricenti accuminzau midemma iddu a trattari argumenti d'attualitati comu la mafia, lu malcuvernu, lu prubbrema dâ mmigrazzioni e la guerra.
[cancia] Nota
Vitu Santangelu è unu di ddi cantastori ca firriava la Sicilia, chiazza doppu chiazza (chiddi dî cumuna siciliani), mittennu a canuscenza a lu pòpulu li fatti riarmenti accaduti o nun, ricitannu e cantannu. Arcuni di sti stori èranu nvintati dâ fantasìa di l'auturi o ispirati di fatti nichi ca vinìanu appoi mudificati e pruposti 'n rima di l'artista.
[cancia] Òpiri musicali
- La madre assassina
- La morti di Turiddu Giulianu