Rivurtura giorgiana di Texel
Di Wikipedia, la nciclupidìa lìbbira.
La rivuluzzioni Giorgiana di Texel (5 aprili - 20 maiu 1945) fu na nsurrizzioni dûn battagliuni di surdati suvietici Giorgiani a Texel (prununziata Tessel) contra l'accupazzioni tudisca di l'isula ulandisi duranti la Secunna Guerra Munniali. Chista è spissu discritta comu l'urtimu campu di battagghia d'Europa.
L'isula avia addivintatu un puntu strategicu dâ difisa tudiscadi l'Atlanticu e avia statu assai rinfurzata. Li surdati giorgiani eranu di la Ripubblica Suvietica di Giorgia chi foru fatti priciuneri ntô frunti dû livanti, e chi ora cummattevanu allatu a li tudischi (vol diri, eranu priciuneri di tudischi chi avianu dicidutu di lassari lu so esercitu e di cummattiri pi li tudischi mmeci di muriri di fami ntê campi di cuncintramentu girmanisi), e si truvavanu nta l'isula, ntôn campu di priciuneri a sirviri comu truppi d'aiutu contra li nimici di la Girmania.
La notti di lu 5 - 6 aprili 1945, mentri aspittavanu dun mumentu a l'autru un attaccu di li forzi alliati, si vutaru contru li tudischi e pi picca tempu pigghiaru lu cuntrollu di l'isula (comu 400 tudischi muriru dda notti), ma nun rinisciru a pigghiari li battirii navali di lu nord e di lu sud di l'isula. Pichissu nun pottiru firmari l'arrivu di li rinfozzi tudischi. Li tudischi lanciaru na cuntraffinsiva suppurtata di l'artigliria dû cuntinenti e, doppu simani di forti lotta, ripigghiaru l'isula.
Duranti sta Guerra Russa (comu veni canusciuta a Texel) quasi 800 tudischi, 500 giorgiani, e 120 abbitanti di Texel mureru. La distruzzioni fu enormi; duzzini di fatturii fôru abbruciati. Lu massacru e lu nutili spargimentu di sangu cuntinuò nzinu a doppu la capitulazzioni tudisca nta l'Ulanda e a Danimarca, nta lu 5 di maiu 1945, e la caduta difinitiva di la Girmania, l'8 maiu 1945. Nun prima di lu 20 maiu 1945, li truppi Canadisi fôru capaci di pacificari l'urtimu campu di battagghia d'Europa.
Li Giorgiani morti riposanu ntôn cimiteru cummimurativu a Hogeberg vicinu a Oudeschild. Li supravvissuti nun ficiru na fini filici: siguennu l'accordi dâ cunfirenza di Yalta, fôru rimpatriati furzatamenti di l'Alliati di li campi di cuncintramentu tudischi nta li campi di priciuneri di l'Unioni Suvietica. Stalin cunzidirava li primi priciuneri di guerra di li tudischi comu traditura picchì nun aviano luttatu nzinu â morti; accussì na gran parti di dui miliuna di priciuneri suvietici chi foru rimpatriati nta l'Unioni Suvietica dî forzi Alliati a la fini di la guerra fôru giustizziati appena riturnaru.
La sipurtura difinitiva di l'equipaggi di volu di l'Alliati si pò truvari nta lu cimiteru cumuni in Den Berg.
Na mustra pirmanenti di stu fattu si pò vidiri nta lu Musiu Aeronauticu nta l'ariuportu di l'isula.
[cancia] Liami esterni
- Situ Ufficiali di Texel ('n ulandisi)
Rifirimenti:
