Discussioni:Omusissualità
Di Wikipedia, la nciclupidìa lìbbira.
Ciau a tutti, sta palora mi pari taliana. Nun c'è na palora sìcula pi dìrillu (forsi "garrusarìa/jarrusarìa" o "l'èssiri garrusu/l'èssiri jarrusu"? Salutamu! --Sarvaturi 10:26, 31 Maiu 2007 (UTC)
- Giustu Sarvaturi, sugnu d'accordiu ccu tia. Ntê mò banni si dicia jarrusu. Salutamu. --Anakletos 12:34, 31 Maiu 2007 (UTC)
- Sugnu macari jù d'accordu, macari a Catania si dici jarrusu, ma si dici macari puppu; pirò c'è na diffirenza: lu puppu è n'omusessuali nurmali, mentri lu jarrusu è dittu 'n modu dispriggiativu ppi nnicari nu "puppu" ca è macari vizziusu assai e ca abbituarmenti fa cosi mali. Nfatti, esisti macari lu fimminili di jarrusu ca è jarrusa, ma nta stu casu lu fimminili nun è nnicativu di fimmina omusessuali, ma di fimmina tinta, ca fa cosi mali, arristannu, pirciò, sulu la parti rifirita a lu malu sintimentu.
Ppi nnicari na fimmina omusessuali, ntê me banni, mi pari ca nun c'è na palora difinita(ma mi potissi sbagghiari): si dici sempricimenti ca dda fimmina è "masculu". Salutamu ! --Santu 13:04, 1 Giugnu 2007 (UTC)
