Fasci siciliani
Di Wikipedia, la nciclupidìa lìbbira.
Li Fasci siciliani (o macari Fasci Siciliani dê Travagghiatura) foru nu muvimentu di massa di spirazzioni dimocrà tica e sucialista, ca nascìu ntâ Sicilia ntra lu prulitariatu cuntatinu, minatura e upirai dô 1891 nzinu ô 1893. Si carmau tanticchia sulamenti doppu nu ntirventu militari.
ÃŒndici |
[cancia] Li Fasci Siciliani
[cancia] Prufilu stòricu
Siquennu l'asèmpiu dê fasci uperai nasciuti nta l'Italia centru-sittintriunali, lu muvimentu vuleva èssiri nu tintativu di riscattu dê classi suciali cchiù puvireddi, ô princìpiu furmatu dû prulitariatu citatinu, unni appoi si junceru upirai agrìculi, surfarara (minaturi dê surfara), piscaturi dâ marinarìa e upirai. Iddi prutistà vanu contru a pruprità tirrera siciliana, ô spissu ammiscata câ mafia e cô statu, ca appujava li benestanti. La sucitati siciliana era tannu assai arritrata, lu feudalìsimu, macari ca avìa statu scancillatu ufficialmenti ntê prìncipi dô XIX sèculu, avìa nfruinzatu la distribbuzzioni dê terri e picciò dê ricchizzi. L'unitati di l'Italia, pi n'à utru cuntu, nun avìa purtatu li binifici suciali ca s'aspittà vanu e tra li cchiù ùmili c'era lu scuntentu. Lu muvimentu addumannava pi prima cosa arcuni rifurmi, apprima di tutti chiddi fiscali e 'n prìmisi la rifurma agrà ria, ca pirmittissi na rivisioni dê patti agrari (eliminazzioni dê gabbeddi) e na nova spartuta dê terri.
[cancia] La custituzzioni dê Fasci e lu massacru di Caltavuturu
Li Fasci foru funnati ufficiarmenti lu 1 maggiu dô 1891 a Catania, cu a capu Giuseppi De Felice Giuffrida. Lu muvimentu avìa nsciutu spuntaniamenti quarchi annu prima a Missina. A stu puntu, nascìu lu Fasciu di Palermu (29 di giugnu 1892) guidatu di Rusariu Garibaldi Bosco e la custituzzioni dû Partitu di li Travagghiatura Taliani ( austu 1892). A sti dui fasci si nni junceru à utri e già ô finiri dô 1892 lu muvimentu s'avìa diffunnutu nta tuttu lu restu di l'ìsula cu sedi nta tutti li capulochi, tranni ca a Caltanissetta. Lu 20 jinnaru 1893 a Caltavuturu 500 cuntatini ca turnà vanu di l'uccupazzioni simmòlica di terri di dimà nii vènunu caricati dê surdati e carrabbinera chê fucili e trìdici manifistanti vènunu sparati e ammazzati. Pô massacru di Caltavuturu, nummirusi manifistazzioni di sulidaritati vènunu fatti dê "Fasci" e macari a liveddu nazziunali; tutti sti cosi nun fannu à utru ca ngranniri l'asaspirazzioni dû scontru suciali.
[cancia] Lu Cungressu di Palermu
Lu 21 e 22 di maggiu 1893 si teni lu cungressu di Palermu, unni parteciparu 500 dilecati di quasi 90 Fasci e cìrculi sucialisti. Vinni eliggiutu lu Cumitatu Cintrali, cumpostu di novi membri: Giacumu Montalto pâ pruvincia di Trapani, Nicola Petrina pâ pruvincia di Missina, Giuseppi De Felice Giuffrida pâ pruvincia di Catania, Luiggi Leone pâ pruvincia di Sarausa, Antoniu Licata pâ pruvincia di Girgenti, Austinu Lo Piano Pomar pâ pruvincia di Caltanissetta, Rusariu Garibaldi Bosco, Nicola Barbato e Birnardinu Verro pâ pruvincia di Palermu
Lu puntu cchiù à utu dû muvimentu s'appi nta l'autunnu dô 1893, quannu lu muvimentu urganizzay sciòpiri n tutta l'ìsula e tentau na nzurrezzioni c'appi nu ricurtatu nicu. La sucietati siciliana vinni scunvurgiuta, unniegghè s'eppiru scontri suciali viulenti, e lu muvimentu ci mannau a diri li sò cundizzioni a la propietà tirrera pô rinnovu dê cuntratti.
[cancia] La riprissioni
Nta ssu quatru, lu prisidenti dû cunsigghiu Francescu Crispi, circannu di ristabbiliri l'òrdini ci deci ascutu sulu ê vuci di li pussidenti, e aduttau la lìnia dura cu nu ntirventu militari. Lu muvimentu fu sciugghiutu e li capi foru arristati. Lu 30 di maggiu lu tribbunali militari di Palermu cunnannau Giuseppi De Felice Giuffrida a 18 anni di cà rciri, Rusariu Bosco, Nicola Barbato e Birnardinu Verro a 12 anni di cà rciri ntâ qualitati di capi e rispunzà bbili di li Fasci siciliani. L'on. De Felice fu addifinnitu ntà l'à ula giudizzià ria di l'avvucatu sicilianu G.B. Impallomeni. Ntô 1895 cu n'amnistia vinni cuncessa la climenza a tutti li cunnannati n sèquitu ê fatti dê Fasci siciliani.
Si chiureva accussì, nta na manera assai viulenta, lu primu veru muvimentu urganizzatu di lotta a la mafia di li prupitari funniari, e di emancipazzioni dê classi cchiù ùmili.
[cancia] Bibbliografìa
- G. De Felice Giuffrida, Mafia e delinquenza in Sicilia - Milano, 1900;
- G. De Felice Giuffrida, La questione sociale in Sicilia - Roma, 1901.
- Romano, S.F. Storia dei Fasci Siciliani, Editore Laterza, Bari, 1959.