Aprili 2008
Di Wikipedia, la nciclupidìa lìbbira.
6 di aprili, duminicadìa
- Londra: Manifestazzioni contra la tinuta dî Jocura Olimpici a Pechinu. Â teofora, li manifistanti pi la libbirtà ô Tibet, ci livaru la torcia dê manu.
- Bahrein: Doppu la malafiura di 3 simani fa, li Ferrari di Felipe Massa e di Kimi Räikkönen agghicaru prima e secunna ô gran premiu di Formula 1.
7 di aprili, lunidìa
- Pariggi: L'ùrtima tappa 'n Auropa dâ fiàccula ulìmpica, jttau aoggi la cità di Pariggi ntô càus. Doppu 200 metri dâ turri Eiffel, puntu di unni avìa partutu la teofora, la fiàccula fu astutata e, pi mutivi di sicurezza, s'appi acchianari supra a l'autubussu p'arrivari nzinu ô stàdiu Charlety. Ntantu supra a la turri Eiffel vinni isata na bannera nìura chê cìrculi ulìmpici fatti a forma di manetti.
13 di aprili, duminicadìa
- Roma: Si vota 'n tutta Italia pi l'elizzioni pulìtichi pû rinnovu dâ càmmira et dû sinatu. 'N Sicilia si vota puru pû parramentu riggiunali.
15 di aprili, martidìa
- Palermu: Vittoria di Raffieli Lummardu comu prisidenti dâ riggiuni siciliana. A liveddu nazziunali lu centru destra di Silviu Berlusconi vinciu l'elizzioni nazziunali pâ càmmira e pi lu sinatu.
25 di aprili, venniridìa
- Lampidusa: Àutru sbarcu massicciu d'immigrati africani: tra ieri e òi arrivaru circa 400 pirsuni: una di chisti murìu anniata cadennu 'n acqua duranti na opirazzioni di trasbordu.