Alì Babà (gruppu sicilianu)
Di Wikipedia, la nciclupidìa lìbbira.
Li Alì Babà sunnu un gruppu di mùsica siciliana d'Enna.
Ìndici |
[cancia] Storia dû gruppu
Lu gruppu Alì Babà veni furmatu a Enna, ntâ Sicilia cintrali, ntô dicèmmiru di 1992 d'arcuni musicisti lucali, ca pruvèninu di diversi àrii musicali. Dû nizziu ntâ sò mùsica sunnu comu è gghiè prisenti li strutturi reggae e caraìbbichi ca a picca a picca carattirìzzanu lu stili attuali d'iddi.
Stu gruppu musicali ennisi s'affirmau, ntô panurama nazziunali e europeu, cu la sò mùsica accattivanti. Cu li sò ritmi miditirrànii càudi misti a timàtichi reggae, uttineru un successu nutèvuli di pùbbricu e di crìtica.
Tra marzu e aprili di ’93, veni arriggistrata la prima cassetta autuprudutta, dû tìtulu “Banane!!!”.
Ntô ’95 veni arriggistrata la sò secunna cassetta autuprudutta, ntitulata “’Nzìgniti ‘a ‘ducazioni” (zoè, mpara li maneri boni). Ntô 2003, nesci lu primu CD dâ band.
[cancia] Stilu musicali
Ora lu stilu dû gruppu pò èssiri difinutu "pop reggae", pirchì è na fusioni tra elementi di pop maturu e clàssicu reggae. Pi quantu riguarda li palori, di sempri usaru la sò parrata siciliana lucali. Li testi sunnu 'n gèniri – ma nun sempri – irònici e scanzunati.
[cancia] Premi
Ntô frivaru dû ’94, Gegè Telesforo cunzigna ô gruppu lu premiu dâ crìtica ô festival "Città di Caltanissetta".
[cancia] Cumpunenti dû gruppu
- Max Busa - (vuci, pianola)
- Tony Colina - (bassu, banniuna)
- Peppe Bertolo - (chitarredda)
- Enzo Tamburello - (fràuti, synth sax)
- Massimo D'Amico - (trummetta)
- Filippo Alessi - (Percussioni e Tammurina)
- Alessandro Mazzola - (Battaria)
[cancia] Discugrafìa
Li Alì Babà nisceru un CD ntô 2003. Li canzuni 'n sicilianu: Cu piru nasci piru mori, Ca Ddi perdona, e tanti àutri.
Ntô misi di giugnu dû 2008 nesci lu novu cd.