Sidney Pollack a l'é stàit un regista ëd cine, un produtor e n'ator.
A l'era nassù a Lafayette, ant l'Indian-a, al 1m ëd lui dël 1934, an na famija d'imigrant russ, e a l'é chërsù a South Bend (sempe ant l'Indian-a); a l'é mòrt ëd càncher a Los Angeles ai 26 ëd maj dël 2008.
Già dal liceo a l'era tirà da l'art dramàtica e a l'era andàit a New York, anté ch'a l'ha studià sota la diression ëd Sanford Meisner. A l'é peui dventà l'assistent ëd Meisner, ch'a l'ha consejaje d'orientesse vers la regìa e a l'ha mandalo da Lew Wasserman, ël padron d'MCA. Pollack a l'ha tramudà a Los Angeles, an Califòrnia.
Dël 1965 a realisa sò prim longh-metrage, con Anne Bancroft e Sidney Poitier, ma a arsèiv na crìtica greva.
Caraterìstiche arcorente dij film ëd Pollack a son la presensa d'ator arnomà e ël melodrama: antra j'ator ch'a l'han arsità për chiel a-i son Natalie Wood, Robert Redford, Jane Fonda, Al Pacino, Marthe Keller, Dustin Hoffman, Meryl Streep, Tom Cruise, Harrison Ford e Nicole Kidman.
Ansema a Anthony Minghella, Pollack a l'ha creà la sossietà ëd produssion Mirage Enterprises.
Ant ij darié agn ëd soa vita a l'é dedicasse ëd pì a la produssion e a fé l'ator: a l'é comparì an Eyes Wide Shut, dë Stanley Kubrick, e, dël 2007, an Michael Clayton, ëd Tony Gilroy, che Pollack a l'avìa co-produvù.
[modìfica] Film prinsipaj
- Jeremiah Johnson (1971)
- Bobby Deerfield (1977). Un dij sò film pì përsonaj: na stòria 'd passion antra 'n pilòta 'd corse merican (Al Pacino) e n'europenga malavia 'd na maladìa misteriosa (Marthe Keller). Ës film a l'é nen andàit tant bin.
- Tootsie (1982). Un sucess grandios. Dustin Hoffman a l'é n'ator disocupà ch'a dev travestisse për trové na part. A l'é l'ùnica comedia ëd Pollack.
- Out of Africa (1986, con Robert Redford e Meryl Streep). Ës film, adatassion dla conta ëd Karen Blixen, a pija set Premi Oscar.
- Havana (1990)
- Sabrina (1995, con Harrison Ford)
|
OMMI! Ma io non SO LEGGERE!!
E be'? :) È facile leggere una lingua che si parla già. Consulti questa pagina e vedrà, in un attimo anche Lei avrà il suo badge da bogianen :)
|
St'utent-sì a l'é un bogianen
|
OMMI! pero si YO no
SE LEER!
¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)
15.650 artìcoj scrivù e na media ëd pàgine lesùe davzin a 1.750.000 pàgine l'ann!
'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari ch'a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tuti. Se it la sente nen dë scrive n'artìcol, a-i son vàire travajòt da fé andova a fa pa da manca d'esse na cima a scrive për podej giuté. Mersì.
|
|