Niva
Un article de Wikipèdia, l'enciclopèdia liura.
Niva (en basco: Errobi; en francés: Nive) qu'ei un arriu de Gasconha e deu Bascoat.
L'Enciclopèdia o Diccionari rasonat de las sciéncias, de las arts e deus mestièrs de Diderot e d'Alembert que'n da la definicion seguenta:
- Niva - arriu deu reiaume de Navarra, apelat Errobi dens la lenga deu país. Que descend de las montanhas de la Baisha Navarra, que se jonh dab l'Ador dens las fossas de Baiona, e que se geta dens la mar dens un lòc d'aquera vila.
Qu'ei tanben l'arriu celèbre de vacanças deu Petit Nicolas, de Sempé e Goscinny.
Somari |
[Modificar] Geografia
Niva qu'ei constituida a Sent Joan Pè de Pòrt dens la província de Baisha Navarra, de l'union deus torrents bas navarreses:
- Berehobia (cors principau),
- Lauribar,
- Arnegi.
Las gòrgas d'Atekagaitz au sud d'Itsasu que marcan son passatge dens la província de Labord. La vila de Baiona que s'ei desvolopada suber un turon que tresplomba la confluéncia dab Ador.
Niva qu'ei apreciada per la pesca esportiva deus salmonids e per la practica deus esports d'aiga viva (rafting notadament).
[Modificar] Afluents principaus
[Modificar] Idrologia
Lo bacin de Niva que presenta ua pluviositat fòrça importanta: la pluviometria annau mejana qu'ei de 1680 mm. Lo regim de Niva qu'ei pluviau e deugut a aqueras precipitacions abondantas, dab ua influéncia de la fusion nivau hèra limitada. Que presenta de cregudas d'ivèrn (octòbre a heurèr) e de fin de prima o de començament d'estiu.
[Modificar] Vilas traversadas
