Gasconha

Un article de Wikipèdia, l'enciclopèdia liura.

Gasconha qu'ei ua region istorica: lingüisticament que hè partida d'Occitània; politicament qu'ei partejada entre França (per gaireben tot lo son territòri) e Espanha (per la Vath d'Aran). Qu'ei limitada per l'ocean Atlantic a l'oèst, per l'estuari de Gironda au nòrd, per la part centrau de Garona a l'èst e peus Pirenèus au sud. Qu'èra a la Nauta Edat Mejana un principat puish mei tard, tanben que vadó un fèu d'Anglatèrra e ua part deu reiaume de França. Mentre que lo Ducat de Gasconha s'esquicha a partir de 1032 entà desaparéisher coma entitat politica, ua identitat culturau gascona que subsisteish a travèrs deu Regim Ancian e fins aus nòstes jorns.

La capitala istorica de Gasconha qu'ei Aush.

Lo gentilici qu'ei gascon -a.

[Modificar] Departaments

Gasconha

Païsatge de Gasconha, deishant aparéisher la sèrra deus Pirenèus en arrèrplan

Gasconha que compren los departaments :

de Gers
deus Nauts Pirenèus
de las Lanas

e en partida los :

La Vath d'Aran, a mei s'apertenien Espanha, que hè partida istoricament e lingüisticament de Gasconha.

[Modificar] Ciutats

Las principalas ciutats son :

Aush, la soa capitala istorica
Banhèras de Luishon
Baiona-Anglet-Biàrritz (conurbacion deu Baish Ador)
Bordèu
Dacs
Lorda
Lo Mont de Marsan
Tarba
Pau

[Modificar] Figura emblematica

Lo Gascon mei conegut a travèrs deu Món es lo celèbre d'Artanhan, deu son nom vertadèr Carles de Batz Castèlmoro.

[Modificar] Bandèra

Bandèra de Gasconha

La soa bandèra (basada sus ua crotz de sant Andrieu) qu'estó bailada peu papa a l'ocasion de la tresau crosada. Aquesta es actualament utilizada mes cèrts gascons se preocupan de la modificar. Lo son aspècte essent tròp eraudic e sens cap d'estacament. Es ça que la la bandèra arborant leons e espigas de blat qu'es uei utilizada oficialament (sus las façadas deus ostaus de comunas, coma a Baiona).