Indoïsme

Un article de Wikipèdia, l'enciclopèdia liura.

L'indoïsme (sonat Hindū Dharma dins las lengas Indianas actualas), es una religion originària del sos continent Indian. Dins l'usatge contemporanèu l'indoïsme es tanben de còps que i a sonat Sanātana Dharma (सनातन धर्म), una frasa en Sanscrit que significa "la lei etèrna". L'indoïsme, que mantuna de sas originas podon èsser calcadas sus l'anciana civilization Vedic, es la pus vièlha religion del mond. Ensemble de cresenças e tradicions desparièras, l'indoïsme a pas qu'un fondator. Es tanben la tresena religion mai espandida al mond après lo Cristianisme e l' Islam, amb aperaquí un miliard d'aderènts, que 905 milion demoran en Índia e Nepal. Los autres païses amb una importanta populacion indó son Bangladèsh, Sri Lanka, Paquistan, Indonesia, Malaisia, Singapor, Maurici, Fiji, Surinam, Guyana e Trinitat e Tobago.

L'Indoïsme amassa una granda quantitat d' escrituras. Devesidas en "revelat" (Śruti) e "remembrat" (Smriti) e desvolopadas pendent de millennis, aquestas escrituras abordan la teologia, filosofia e mitologia, en porgissent una percepcion espirituala e de conselhs dins la practica del Dharma. D'un punt de vista ortodòx , demest tant de tèxtes, los Vedas e los Upanishads son los primièrs en autoritat, importança e los pus vièlhs. D'autras escrituras màger son los Tantras, los sectaris Agamas, los Puranas e los epics Mahabharata e Ramayana.

[Modificar] Etimologia

Lo tèrme persian Hindū ven del sanscrit Sindhu, que designa lo fluvi Indus. Lo Rig Veda menciona la tèrra dels Indo-Arians coma Sapta Sindhu (la tèrra dels set rius, que un es l'Indus). Çò que correspond a Hapta Həndu dins l' Avesta, tèxte sagrat del Zoroastrianisme. Lo tèrme èra utilizat per la gent que viviá pròcha del riu Indus.

[Modificar] Cresenças

Esculturas al templeHoysaleswara que representan lo Trimurti: Brahma, Siva e Vishnu.

L'Indoïsme es una religion fòrça divèrsa. Emai que unas doctrinas de la fe siagan acceptadas per fòrça indós, los especialistes aguèron de dificultats per trapar mantuna doctrinas amb una aceptacion universala demest totas las denominacions.^[1] Los tèmas importants de las cresenças indós son demest d'autres : Dharma (etica/devers), Samsara (Lo cicle continu de naissença, vida, mòrt e renaissença), Karma (accion e reaccion : cicle de causa e d'efièch), Moksha (liberacion del cicle samsara), e los desparièrs Iògas (camins o practicas).