Gave de Pau
Un article de Wikipèdia, l'enciclopèdia liura.
Lo Gave de Pau qu'ei un arriu pirenenc qu'a la soa hont en Bigòrra puish qu' arraja en Bearn dinc a las Lanas en Gasconha, Occitània.
Lo terme « gave » que designa un cors d'aiga dens la zòna deus Pirenèus occidentaus. Que's tracta d'un mot d'origina precelta hèra utilizat en aquesta zòna, dinc au punt que hèra arrius an perdut d'un sègle ençà lo lors noms originaus entà vàder lo gave de...[1].
La soa hont que's situa dens l'Area de Gavarnia qui ho classificat en 1997 au Patrimòni de l'Umanitat per l'UNESCO, que's tròba en Bigòrra (departament deus Hauts Pirenèus) . Aqueth arriu vadut a Gavarnia que comença a s'anomenar Gave de Pau a partir de Lus e Sant Sauvaire, on arrecuèlh las aigas deu Gave de Gavarnia e las deu Bastan. A partir de la confluéncia dab lo Gave d'Auloron, que pren lo nom de Gaves Reünits, abans de lançar las soas aigas dens l'Ador a Pèira Horada, dens las Lanas.
Enter las honts qui alimentan lo Gave de Pau, i a la famosa hont, de reputacion miraculosa, de Lorda.
[Modificar] Vilas traversadas
Lus e Sant Sauvaire, Lorda, Nai, Pau, Ortès, Labatut
[Modificar] Principaus afluents
- Arriba esquèrra: Osom, Bés, Nés, Las Hies, Baïsa, Gave d'Auloron.
- Arriba dreta: *Ousse (fr), *Lagoin (fr).
[Modificar] Notas e referéncias
- ↑ Miquèu Grosclaude, « Les hydronymes pyrénéens en Béarn », Diccionari toponimica de las comunas de Bearn, Escòla Gaston Febus, Pau, 1991, p. 389.
