Exili
Un article de Wikipèdia, l'enciclopèdia liura.
L'exili[1], sonat tanben faidiment o despatriament es un tipe de pena qu'un Estat pòt impausar a una persona qu'aja comés un delicte. L'exili èra ancianament una pena fòrça comun, e s'aplicava coma pena immediatament inferiora a la pena de mòrt. L'incompliment de l'exili se sancionava abitualament amb la mòrt. L'aplicacion actuala de l'exili es fòrça pus dificila, per l'evolucion del drech. En fach lo país vesin accepta pas eventualament l'exiliat.
Somari |
[Modificar] Tipe d'exili
En foncion de sa durada l'exili pòt èsser:
- Temporau, se se fixa un tèrme.
- Indefinit o perpetuau, se i a pas de tèrme per la pena. L'exiliat de biais indefinit pòt de còps obténer un indult o perdon que li permete de tornar au país.
[Modificar] Govèrn en exili
Au delà de personas en exili, i a tanben de govèrns en exili, coma lo dau Tibet o de nacions en exili, coma Armenia de 1078 a 1375, qu'après l'invasion de son territòri per de tribus seljucidas, s'exilièt en Cilícia, ont formèt un reiaume novèu.
[Modificar] Exili volontari
L'exili d'una persona o d'un grop d'individús, çò d'èsser luenh de la pròpria tèrra (ciutat o nacion), se pòt definir tanben coma volontari. Atau es lo cas de la fugida massissa de la nacion calmoca de l'èst dau riu de Vòlga, qu'au sègle XVIII fugiguèt dei tèrras de l'Empèri Rus fins a China, segon çò que relata l'escrivan Thomas de Quincey dins La rebellion dei Tartars.
Mai d'un autor utiliza lo tèrme exiliat amb lo sens de "refugiat".
[Modificar] Nòtas
- ↑ Lo mot occitan exili ven dau latin ex(s)ilium. Tanben existís la forma exilh, Loís Alibèrt l'utiliza mai fòrça lingüistas la considèran coma un francisme superflú perque ven dau francés exil.
