Cotèl
Un article de Wikipèdia, l'enciclopèdia liura.
Un cotèl (reg. cotèth, cotèu) es un instrument que s'emplega per copar de causas. Es bastit d'una lama talhadissa, abitualament de metal, unida a un margue de fusta o d'un material autre.
L'òme a utilizat de cotèls o d'aisinas semblantas dempuèi de tempses preistorics. Los primièrs cotèls emplegats se faguèron amb de pèira o de cana. Son encara utilizats de cotèls de bambó dins de tribus preistoricas d’Africa e de Polinesia.
Amassa amb la forqueta e lo culhièr, es una de las aisinas que s'emplegan abitualament per manjar, almens dins la civilizacion occidentala. Segon l'etiqueta, lo cal agantar amb la man drecha, en utilizar l'esquèrra per la forqueta.
[Modificar] Lo cotèl en cò nòstre
La fabricacion industriala de cotèls èra plan espandida dins los airals de Laguiòla (Roergue) e de Tièrs (Auvernha). La fabricacion mai anciana es la de Tièrs que sembla de remontar fins al sègle XV. Pasmens lo cotèl de Laguiòla es lo mai conegut e es apreciat dins totes los recantons d'Occitània. Seriá sortit aqueste cotèl cap a 1829 en s'inspirar d'un modèl de cotèl catalan portat al país pels migraires.
