Thiâtre
From Wikipedia
|
Ch't' articl'ye fut c'menchie en Jèrriais
 |
Lé thiâtre (
théatre, 
théyâte) est l'art dé présenter d's histouaithes en jouant des pièches sus eune strade ou dans un thiâtre tch'est un bâtisse fait tout spécialement pouor la jouêthie d'pièches.
Les Vièrs Grècs (dé tchi l'mot "θέατρον" donne thiâtre) présentaient des pièches sus des côtis sus tchi l'audienche pouvait s'assiéthe dans l'aithe à r'garder l's acteurs et l'paysage, car ches thiâtres (qué nou's-appelle amphithiâtres) 'taient à l'ouvèrt.
En Chinne, au Japon et en Înde lé thiâtre dêv'loppit auve d'la dans'sie, et dans des pays nou jouait des pièches atout des poupettes.
En Ûrope lé thiâtre dispathut auprès la tchête d'l'Empithe Romaine quand les thiâtres qu'les Romains avaient bâti s'lon l'exempl'ye des Grècs. Mais dans l's églyises nou jouait d's histouaithes d'la Bibl'ye. Ch'est chein qu'nou's-appelle des mystéthes. Ès fêtes nou présentait étout ches mystéthes dans des bels d'aubèrges, dans tchi qu'des dgaîngues d'acteurs tchi faîthaient des touônnées d'la contrée soulaient bâti des strades pouor achteu.
La Commedia dell'Arte 'tait populaithe en Ûrope pouor des siècl'yes.
