Dgèrre
From Wikipedia
gùerre
djère, guère
Dgèrre
gyer
dgeurre
|
Ch't' articl'ye fut c'menchie en Jèrriais
|
La dgèrre est du hèrtchîn entré des pays, des nâtions ou des grandes dgaîngues dé gens atout l'usage dé forche, d'armes et d'tueûthie. Dé couôteunme, eune dgèrre est composée d'un nombre dé batâles entré d's armées ou des mathinnes. Nou peut dithe tout sîmpliément qu'i' y'a d'la dgèrre quand i' n'y'a pon d'paix.
Y'a des dgèrres tchi sont dêcliathées formellement et tchi sont m'nées par des règl'yes ou des louais – d'aut's bastaudes sont înformelles, y'a des dgèrres muchies et des dgèrres ès dgèrrilleurs. Quand un pays est divisé et y'a du hèrtchîn violent entré les partis, v'là tch'est eune dgèrre civile, coumme par exempl'ye ès Êtats Unnis d'Améthique 1861–1865 ou en Espangne 1936-1939.
Y'a ieu deux grandes dgèrres duthant l'20e siècl'ye:
- la Preunmié Dgèrre Mondiale (la Grand' Dgèrre)
- la S'gonde Dgèrre Mondiale
[amendaer] Liste dé dgèrres
- Gùerre dé Chent Auns
- Dgèrre Civile Espangnole
- Dgèrre Civile Russe
- Dgèrre dé S'pathâtion
- Dgèrre du Vietnam
- Fraide Dgèrre
[amendaer] Ditons
- Tchi tèrre a, dgèrre a
- À la dgèrre coumme à la dgèrre
- Les dgèrres n'amènent qué destruction
- Auprès grand' dgèrre, grand' paix
