Store Knutsholstinden
Frå Wikipedia – det frie oppslagsverket
| Store Knutsholstinden | ||
|---|---|---|
 |
||
| Høgd over havet | 2341 moh | |
| Ligg i/på | Vågå, Oppland | |
| Fjellkjede | Jotunheimen | |
| Primærfaktor | 969 m | |
| Koordinatar | Koordinatar: | |
| Førsteklatring | 13. juli 1875 (Johannes Thomassen Heftye, Knut Lykken, Gullik Gulliksen Lid) | |
Store Knutsholstinden er eit fjell i Vågå kommune i Oppland. Med ei høgd på 2341 meter over havet er fjellet det 14. høgaste i Noreg. Fjellet ligg på ein høg rygg mellom Knutsholet mot aust og Svartdalen mot vest. Mot Knutsholet er tinden alpin, med store hengebrear.
På midten av 1800-talet vart Knutsholstinden sett på som ubestigeleg, og dessutan trudde enkelte at han den var Noregs høgaste fjell. Johannes Heftye si førsteklatring i 1875 vart sett på som ei stor bragd, og vart i samtida samanlikna med Slingsby si klatring av Storen. Mellom Slingsby og Heftye oppsto det eit kjensleladd, offentleg ordskifte, med nasjonalistiske undertonar. Som ei følgje av dette, og for å vise at Storen var eit enkelt fjell å klatre, fann Heftye ruta på Storen som seinare har vorte normalvegen, Heftye-ruta.[1]
Denne geografiartikkelen som har med Oppland å gjera er ei spire. Du kan hjelpe Nynorsk Wikipedia gjennom å utvide han.
