Snømus

Frå Wikipedia – det frie oppslagsverket

Snømus

Bilettekst.

Rike:	Animalia
Rekke:	Chordata
Klasse:	Mammalia
Orden:	Carnivora
Familie:	Mustelidæ
Underfamilie:	Mustelinæ
Slekt:	Mustela
Art:	nivalis

Vitskapleg namn

Mustela nivalis
Linnaeus, 1766

Snømus (Mustela nivalis) er et lite rovdyr i mårdyrfamilien. Han held til på den nordlege halvkula i tempererte, subarktiske og arktiske område. Utbreiinga og levesettet er elles mykje likt den større slektningen røyskatt. Snømusa finst i heile Noreg og held gjerne til i steingardar, under løer, fjøs og seterbygningar. Snømusa spesialiserer seg på jakt på smågnagarar, og særleg mus.

Den nordamerikanske snømusa vart tidlegare klassifisert som eigen art med det latinske namnet Mustela rixosa, men ein reknar i dag den nordamerikanske snømusa som same art som den europeiske.

Av utsjånad kan snømusa forvekslast med den nærskylde røyskatten (lat. Mustela erminea), men snømusa er mindre og har ein kortare hale som er kvit om vinteren.

Snømusa kan bli 7–10 år gammal.

[endre] Utbreiing

I Noreg er snømusa vanleg over heile landet.

Røyskatten er òg utbreidd over store delar av Europa. Historisk sett har snømusa sitt søraustlegaste kjente utbreiingspunkt i Israel.

[endre] Snømusa i Bibelen/Tanákh

Det hebraiske ordet חֽוֹלֶד ['ḥōled] (m.) eller חֻלְדָּה [ḥul'dā] (f.) tyder truleg ‘snømus’. Ḥuldá er namnet på ein av dei sju kvinnelege profetane i jødedommen, og historia om Ḥuldá sitt profeti finst i 2. krønikebok 34:22–28 og i 2. kongebok 22:14–20.

[endre] Snømusa i skjønnlitteraturen

I engelskspråkleg skjønnlitteratur frå Dei britiske øyane refererer ordet weasel normalt til snømusa. Dette gjeld til dømes dei småskumle «weasels» i Wind in the willows såvel som hovudrolleinnehavaren i barnerimet «Pop goes the weasel».