Otra

Frå Wikipedia – det frie oppslagsverket

Otra
Otra renn ut ved Kristiansand.
Utspring	Setesdalsheiane
Munning	Kristiansand
Lengd	245 km
Middelvassføring	150 m³/s
Nedslagsfelt	3740 km²
Renn gjennom	Kristiansand

Otra er den største elva på Sørlandet. Ho renn frå Setesdalsheiane i Bykle kommune i Aust-Agder i nord til Kristiansand i Vest-Agder i sør. Elva er lakseførande opp til Vigeland i Vennesla. I tillegg finst den spesielle relikte laksen bleke i Byglandsfjorden.

Innhaldsliste 1 Elveløpet 2 Fisk 2.1 Laks 2.2 Bleke 2.3 Ørekyte 3 Regulering 4 Bakgrunnsstoff 5 Kjelder

[endre] Elveløpet

Otra er 245 kilometer lang og er dermed den åttande lengste elva i Noreg. Middelvassføringa er 150 m³/s. Høgaste vassføring er målt i oktober 1987 med om lag 1000 m³/s. Nedslagsfeltet er 3740 km² stort.

Det er to store innsjøar i vassdraget, Åraksfjorden og Byglandsfjorden.

[endre] Fisk

[endre] Laks

I Otra er det produksjon av lakseungar og laksesmolt. Vasskvaliteten dei siste åra har vore så god at det ikkje er registrert forsuringsskadar på smolten. Laksen klarer seg godt i Otra fordi elvevatnet ikkje er så surt. Det er kalkrik berggrunn i nedbørfeltet øvst i Setesdal som gjev elvevatnet ei viss bufferevne mot forsuring.

Fangstane dei siste åra har vore varierande:

• 2001: 7,2 tonn
• 2002: 5,3 tonn
• 2003: 7,4 tonn
• 2004: 5,8 tonn
• 2005: 9,9 tonn
• 2006: 10,7 tonn
• 2007: 5,9 tonn

[endre] Bleke

Bleke er ein laksefisk som berre finst i Otravassdraget.

[endre] Ørekyte

Òg karpefisken ørekyte har fått innpass i Otravassdraget. Det er funnet ørekyte i heile vassdraget oppfor Brokke kraftverk. Denne fisken er uønska i vassdraget, og det føregår eit arbeid for å hindre vidare spreeing.

[endre] Regulering

Otra er ei av Noregs mest regulerte elvar med fleire kraftverk:

• Holen kraftverk
• Brokke kraftverk
• Bjørgum småkraftverk
• Hekni kraftverk
• Hovatn kraftverk
• Langerak kraftverk
• Iveland kraftverk
• Nomeland kraftverk
• Steinsfoss kraftverk
• Hunsfoss kraftverk
• Vigelandsfoss kraftverk

I tillegg til kraftstasjonar er det etablert pumpestasjonar for overføring av vatn mellom reguleringsmagasin:

• Breive pumpestasjon
• Skarje pumpestasjon

[endre] Bakgrunnsstoff

• Otra sitt nedbørsfelt

[endre] Kjelder