Kwanzaa
Frå Wikipedia – det frie oppslagsverket
Kwanzaa er ei sju dagars afroamerikansk høgtid som varer frå 26. desember til 1. januar, vanlegast feira i USA. Namnet kjem frå swahiliuttrykket «matunda ya kwanza», ‘dei første fruktene’.
Høgtida blei innstifta av den afroamerikanske nasjonalisten Ron «Maulana» Karenga og feira for første gong i 1966. Høgtida hadde utspring i den amerikanske borgarettsrørsla i 1960-åra og var meint å skulle gjeva afroamerikanarar eit band til den kulturelle og historiske arva si frå Afrika. Samstundes er høgtida, ifølgje Karenga, basert på felles humanistiske grunnprinsipp.
